На сустрэчы беларускіх журналістаў з прадстаўнікамі пасольства Беларусі ў Брусэлі Аляксандрам Самусенкам і Аляксеем Самасуевым было зададзена пытанне наконт адлічэння Таццяны Шапуцькі з БДУ за ўдзел у Форуме грамадзянскай супольнасці.
Аляксандр Самусенка адмовіўся каментаваць падзею, але заступіўся за кіраўніка Федэрацыі прафсаюзаў Беларусі Леаніда Козіка.
«Мне патрапіўся ў прэсе артыкул пра тое, што спадар Козік нібыта збіраўся арганізаваць мітынг у падтрымку Таццяны Шапуцька, — сказаў Самусенка. — Я размаўляў са спадаром Козікам у межах Форуму грамадзянскай супольнасці і ён мяне ўпэўніў, што нічога падобнага не абяцаў, таму гэта, напэўна, тычыцца пытання пра чыстату перадачы інфармацыі СМІ.
У сваю чаргу Вольга Стужынская, прадстаўніца Офіса «За дэмакратычную Беларусь», якая таксама прысутнічала на сустрэчы, абвергла гэтыя словы.
«Спадар Козік насамрэч зрабіў такую заяву падчас Форуму. Я думаю, што абвінавачваць сродкі масавай інфармацыі ў дадзенай сітуацыі не зусім слушна», — сказала яна.
Стужынская таксама паабяцала прыкласці ўсе намагнанні, каб еўрапейская супольнасць даведалася пра адлічэнне Таццяны Шапуцькі.
«Я думаю што Рэспубліка Беларусь, якая падпісалася пад поўным пакетам свайго ўдзелу ва праграме Усходняга партнёрства павінна стрымаць свае абяцанні», — дадала яна.
Вольга Жарнасек, Брусэль, nn.by
Аляксей абраў для сябе вельмі незвычайныя інструменты і стыль спеваў. Ён лічыць, што важна прасоўваць…
Усё нестабільна, у жыцці стрэс Але сталасць тонка: У нас ёсць кава на вагу Ад…
Вулічныя музыкі – гэта сапраўдныя мастакі, якія робяць наша жыццё больш яркім і насычаным. Яны…
У гісторыі Берасця складзена неверагодная мазаіка культурнай спадчыны, у якой асаблівае месца займаюць сінагогі, якія…
Сёння мы вырашылі адправіцца ў кулінарнае падарожжа па сталовых горада, каб высветліць, якія з іх…
У непрыкметным куточку Берасця, на вуліцы Дзмітрыя Данскога, 11, паўстала ўнікальная гастранамічная ініцыятыва, якая ўжо…