ЕС запрашае да ўдзелу ў адукацыйных праграмах

На круглым стале “Палітыка ЕС і Беларусі ў вобласці адукацыі: падзяляемся досведам” беларускім удзельнікам былі прапанаваны 4 праграмы партнёрства: “Темпус“, “Эразмус Мундус“, “Жан Моне”, “Моладзь у дзеянні”.

“Гэта магчымасці, якія ЕС падае Беларусі ў рамках “Усходняга партнёрства”, – адзначыла Джулія Мора.

Праграма “Темпус” накіравана на садзейнічанне правядзенню сацыяльных, эканамічных рэформаў і развіццю сістэм вышэйшай адукацыі ў краінах-партнёрах Еўрапейскага саюза. Яна стартавала ў 1990 годзе, цяпер ужо рэалізуецца чацвёрты этап (2007-2013 гады). Удзельнікамі праграмы могуць стаць беларускія ВНУ, няўрадавыя арганізацыі, асацыяцыі студэнтаў, рады рэктараў, якія пададуць заяўку да 9 сакавіка 2010 года. Сума грантаў вар’іруецца ад 500 тыс. да 1,5 млн. еўра.

“Праграма мяркуе сур’ёзнае ўцягванне мясцовых улад, існуе ў выглядзе праектаў на ўзроўні партнёрства ўстаноў адукацыі і на ўзроўні ажыццяўлення структурных мерапрыемстваў. У праектах партнёрства паміж ВНУ могуць прыняць удзел прынамсі 6 вышэйшых навучальных устаноў (напрыклад, 3 з Беларусі і 3 з розных краін ЕС), у міжнародных праектах – мінімум 7 ВНУ (па 2 з краін-партнёраў і 3 з дзяржаў ЕС)”, – растлумачыла Джулія Мора.

Міжнародная адукацыйная праграма “Эразмус Мундус: акно ў Еўрапейскае супрацоўніцтва” мяркуе садзейнічанне мабільнасці выкладчыкаў, студэнтаў і аспірантаў. Асноўная мэта – перадача ведаў, тэхналогій ЕС краінам-партнёрам, азнаямленне з лепшымі адукацыйнымі практыкамі і мадэлямі. У рамках рэалізацыі навуковых абменаў могуць прызначацца стыпендыі (ад 3 месяцаў да 3 год) бакалаўрам, магістрантам, дактарам навук Беларусі. Фінансуецца аплата іх праезду, пражыванні ў краінах ЕС, навучанне. Максімальны лік удзельнікаў у праграме – 20, прынамсі 5 ВНУ з трох краін ЕС і адно ВНУ з краін-партнёраў.

Што да праграм “Жан Моне” і “Моладзь у дзеянні”, то першая разлічана на выкладчыкаў і даследчыкаў дысцыплін па еўрапейскай інтэграцыі (аказанне падтрымкі кафедрам у навучанні і даследаваннях), другая – на юнакоў і дзяўчын ад 13 да 26 гадоў (падтрымка моладзевай ініцыятывы і сумесных міжнародных праектаў у вобласці грамадзянскай адукацыі).

Арганізатарам круглага стала “Палітыка ЕС і Беларусі ў вобласці адукацыі: падзяляемся досведам” выступае Офіс за дэмакратычную Беларусь (Бельгія) у партнёрстве з Беларускім інстытутам стратэгічных даследаванняў (Літва), пры падтрымцы Міністэрства замежных спраў Даніі і прадстаўніцтва Еўрапейскага саюза ў Беларусі. Яго мэта – абмен інфармацыяй і досведам працы паміж ЕС і Беларуссю ў  адукацыі, а таксама абмеркаванне магчымасці далейшага супрацоўніцтва ў дадзенай сферы. Таксама абмяркоўваліся перспектывы рэфармавання вышэйшай адукацыі, пытанні палітычнага ўзаемадзеяння і сумесныя праекты.

ej.by

Пераклад  dzedzich.org