З наступнага навучальнага году ў Кіеўскім нацыянальным унівэрсытэце імя Шаўчэнкі пачнецца набор студэнтаў на спэцыяльнасць «беларуская мова і літаратура». Спэцыяльнасць адчыняецца на базе нядаўна створанага Цэнтру беларусістыкі.
Беларуская мова стала 30 замежнай мовай, якую будуць вывучаць у Кіеўскім нацыянальным унівэрсытэце. Стварэнне спэцыяльнасці стала магчымым дзякуючы адкрыццю на базе Інстытуту філялёгіі КНУ Цэнтра беларусістыкі. Гэта першая падобная ўстанова ва Украіне.
Галоўная задача цэнтра, па словах дырэктара Інстытуту філялёгіі КНУ Рыгора Семянюка — вучыць студэнтаў беларускай мове. Дагэтуль беларускай мове навучалі ў гэтым унівэрсытэце з 1990 па 1993 год у межах спэцкурсу.
Адной з умоваў паступлення на спэцыяльнасць — наяўнасць як мінімум 140 балаў у атэстаце (маецца на ўвазе ўкраінская сыстэма адзнак). Дадатковую інфармацыю можна даведацца на сайце Інстытуту філалогіі.
прыкра, што беларуская мова больш патрэбная за мяжой чым у Беларусі
Дуже добре, це допоможе українцям краще зрозуміти свою.А може зрозуміти те , що за часів Великого Князівства Литовського та Руського ми разом з братами – білорусами справжньою Руссю та мали єдину мову.