1 і 2-га снежня ў Берасцейскім Акадэмічным Тэатры Драмы і Музыкі прайшла пастаноўка “Чорны анёл з белымі крыламі”. Праблема СНІДа, адлюстраваная праз тэатральную прызму ды музыкальнае суправаджэнне ДрамРокСтудыі ўзрушыла сэрцы гледачоў.
Рэжысёр Тымафей Ільеўскі жанр сваёй пастаноўкі вызначыў як дваццаць шэсць эпізодаў у прасторы “стёб-дызайну”. Спектакль па п’есе Дзіяны Балыка пастаўлен ў трох краінах – Беларусі, Расіі і на Украіне; у васьмі гарадах – Менску, Маскве, Львове, Северадвінску, Ніжням Ноўгарадзе, Шарыпава, Котласе, Берасці.
Галоўная гераіня з прозвішчам Віч (канчатак беларускай фаміліі) аказваецца ў Цэнтры прафілактыкі СНІДа. І чаканне выніку ператвараецца ў сапраўдны жах: боязь татальнай адзіноты і неразумення. Першы – станоўчы. Другі – станоўчы. Дачакацца трэцяга ўжо няма сілы і Ніна Віч вырашае скончыць жыццё самагубствам. А ў гэты час доктар Цэнтру прафілактыкі трымае ў руках бланк з вынікам яе аналізу. Адмоўны!.. Анёл Ніны – доктар Самойлаў, які паспявае ў апошнюю гадзіну прымчацца да галоўнай гераіні.
Напружанасць атмасферы і чалавечага стану падчас няпэўнасці добра адлюстроўвае музыка пастаноўкі ў выкананні берасцейскага гурту ДрамРокСтудыё. Усім тым, хто яшчэ не паспеў – раю паглядзець “Чорнага анёла з белымі крыламі”.
