Суд Беларусі ў панядзелак прыняў рашэнне пакараць адміністрацыйнымі арыштамі траіх беларускіх апазіцыянераў, затрыманых 25 сакавіка ў Менску пры спробах правесці несанкцыянаваныя акцыі, прысвечаныя Дню Волi.
Як паведамілі ў беларускім праваабарончым цэнтры “Вясна”, у дробным хуліганстве абвінавачаны каардынатар грамадзянскай ініцыятывы “Еўрапейская Беларусь” Віктар Iвашкевiч. Па пастанове суда ён арыштаваны на дзесяць сутак.
Да 15 суткам адміністрацыйнага арышту прысуджаны намеснік кіраўніка незарэгістраванага ў рэспубліцы апазіцыйнага моладзевага руху “Малады фронт” Мікалай Дземiдзенка. Ён прызнаны вінаватым у арганізацыі несанкцыянаванага мерапрыемства.
Самае мяккае пакаранне – трое сутак адміністрацыйнага арышту – атрымала каардынатар партыі Беларуская хрысціянская дэмакратыя Ірына Губская. Яна, як і Iвашкевiч, таксама прызнана вінаватай у дробным хуліганстве, перадае ІТАР-ТАСС.
Як паведамляла газета ПОГЛЯД, 25 сакавіка беларуская міліцыя не дазволіла правесці несанкцыянаваныя акцыі апазіцыі. Людзi так і не здолелі патрапіць у заблакаваны міліцыяй сквер імя Янкі Купалы, каб ускласці кветкі да помніка народнаму паэту.
Іншая група апазіцыянераў, а таксама журналісты былі выцеснены з плошчы імя Якуба Коласа.
prison cell
Iнфармацыя з газеты “Взгляд”
