Абменныя пункты банкаў павінны ў абавязковым парадку ажыццяўляць як куплю, так і продаж наяўнай замежнай валюты.
Такія тлумачэнні змяшчаюцца ў лісце Нацыянальнага банка, які быў накіраваны у беларускія банкі.
Па наяўнай у Нацыянальнага банка інфармацыі, у цяперашні час шэраг абменных пунктаў (кас) упаўнаважаных банкаў ажыццяўляюць толькі набыццё наяўнай замежнай валюты ў фізічных асоб без яе далейшага продажу, што парушае патрабаванні пункта 4 Правілаў ажыццяўлення валютна-абменных аперацый з удзелам фізічных асоб, зацверджаных пастановай праўлення Нацыянальнага банка Беларусі ад 28 чэрвеня 2001 году № 170.
Згодна з гэтым дакументам абменныя пункты (касы) упаўнаважаных банкаў у абавязковым парадку павінны ажыццяўляць і куплю, і продаж наяўнай замежнай валюты з аплатай у наяўных беларускіх рублях, калі іншае не дазволена Нацыянальным банкам.
У лісце адзначаецца, што згодна з пунктам 26 гэтых правілаў касір не мае права адмовіць у продажы фiзiчнай асобе наяўнай замежнай валюты, якая знаходзіцца ў абменным пункце (касе), атрыманай для продажу ў якасці авансу або падмацавання, а таксама набытай на працягу працоўнага дня, калі іншае не вызначана Нацыянальным банкам.
У выпадку невыканання дадзеных патрабаванняў да банкаў будуць ужытыя жорсткія меры, аж да прыпынення ліцэнзійных паўнамоцтваў у частцы правядзення валютна-абменных аперацый, адзначае БЕЛТА.
Анастасія – адна з тых асоб, якія здольныя перадаць матывацыю і энтузіязм іншым. Яна ператварыла…
У свеце спартыўнай навукі ёсць людзі, якія ствараюць нешта зусім новае і цікавае. Адной з…
Тэатр – месца нараджэння эмоцый і сапраўднай магіі. У свеце мастацтва, дзе кожны крок –…
У эпоху лічбавых тэхналогій, калі зносіны зводзяцца да паведамленняў у мэсэнджарах і пастам у сацыяльных…
“Працы вельмі асабістага характару ўразаюцца ў сцены завадскога будынка і даюць гледачу магчымасць падумаць аб…
Да 1005-годдзя Берасця Кірыл Кветка сумесна з Іў Рашэ арганізаваў цікавы квэст. Яго сутнасць у…
