“Ніякіх таргоў, цану не зніжу, усё роўна прыедзе беларус, які дасць столькі, колькі папрашу”,- такі адказ атрымліваюць пакупнікі з Літвы, калі хочуць атрымаць зніжкі на аўтамабіль.
Гандляры ўжо не новымі аўто неахвотна пускаюцца ў перамовы з кліентамі з Літвы. З распасцёртымі абдымкамі яны чакаюць пакупнікоў з Усходу.
Літоўцы чакаюць наступлення лета, калі з рынку, магчыма, знікнуць багатыя пакупнікі з Усходу. З 1 ліпеня ў Беларусі, Расеі і Казахстане ў сілу ўступае падатак на імпарт, у некаторых выпадках ён павялічыцца ў 12 разоў, таму зараз перакупнікі машын з гэтых краін імкнуцца купіць як мага больш аўто.
“Беларусы сапраўды паднялі кошты на патрыманыя аўто. Хто не прадаў машыну ў мінулым годзе, у гэтым мог прадаць яе па больш высокай цане. Аднак гэтаму могуць цешыцца толькі гандляры, якія прадаюць машыны па 5000-6000 еўра”, – сказаў прадстаўнік кампаніі Zibintas, якая гандлюе машынамі маркі Peugeot, Томас Барысас.
Але літоўцы таксама адзначаюць, што з пачатку красавіка наступіла зацішша. Сёння сітуацыя такая, што ў Беларусі не засталося грошаў. Свае рублі ў людзей ёсць, аднак грошаў няма ў банках, беларусы ўжо не могуць купіць ні еўра, ні даляры ЗША, ні нават расейскія рублі. Яны выкупілі залатыя і плацінавыя зліткі, былі прапановы заплаціць за машыны золатам і плацінай.
Падрабязней тут.
Gold car
