У Беларусі разглядаецца магчымасць правядзення размеркавання студэнтаў ВНУ за год да заканчэння вышэйшых навучальных устаноў, паведаміў сёння намеснік прэм’ер-міністра Беларусі Анатоль Тозік.
«Мы жадаем падумаць над тым, каб за год да канчатка навучальнай установы праводзіць размеркаванне, каб пяты год выпускнік вну ўжо сваю тэарэтычную падрыхтоўку суадносіў з тым працоўным месцам, з той арганізацыяй, дзе ён будзе працаваць», — растлумачыў віцэ-прэм’ер.
Анатоль Тозік адзначыў, што галоўны акцэнт пры падрыхтоўцы выпускнікоў ВНУ павінен рабіцца на тое, каб маладыя спецыялісты маглі хутка рэагаваць на змены ў вытворчасці, у тэхналогіях. Пры гэтым ён дадаў, што ў вышэйшай школе краіны досыць моцны акадэмічны фундаментальны кампанент.
«Нас крытыкуюць за яго, але мы гэты кампанент павінны захаваць, ён дае выпускнікам магчымасць хутка перабудоўвацца з улікам змены тэхналогій», — сказаў ён.
Асобна будзе нададзена ўвага падвышэнню ўзроўня навучання студэнтаў замежным мовам. Па меркаванні віцэ-прэм’ера, зараз ён недастаткова высокі. «Трэба таксама актыўней укараняць у сістэму вышэйшай адукацыі сучасныя інфармацыйныя тэхналогіі», — лічыць Анатоль Тозік.
Немалаважна і пытанне абнаўлення матэрыяльна-тэхнічнай базы. Па словах намесніка прэм’ер-міністра, да гэтага пытання неабходна падыходзіць разумна, эканомна і па-гаспадарску.
Паводле naviny.by.
У свае трыццаць жанчына вярнулася з немаўлём з радзільнага дому, а выйшла ў людзі толькі…
Яскравасць, свабода, імправізацыя – менавіта такімі словамі можна апісаць па-сапраўднаму захапляльны танец, і менавіта такія…
У апошні час людзі усё больш і больш пачалі клапаціцца пра сябе, пачалі надаваць больш…
Анастасія ўсяго два гады таму зрабіла рашучы крок, пакінуўшы ззаду свае дванаццаць гадоў працы трэнерам…
У мінулыя выхадныя ва ўтульным кафэ «Progresso» на Машэрава, 53, прайшла чарговая сустрэча клуба настольных…
Ва ўтульнай арт-студыі Берасця, створанай з любоўю і ўвагай да дэталяў, прайшоў майстар-клас па маляванні…
