У Берасці супрацоўнікі праваахоўных органаў затрымалі пажылога грамадзяніна Германіі, які стаў вінаватым у ДТЗ. На аўтамабільнай пляцоўцы прыгараднага вакзалу станцыі “Брэст-Цэнтральны” пенсіянер на ваенным аўтобусе “ПАЗ-3205” урэзаўся ў міліцэйскую машыну. Як высветлілася, аўтобус пенсіянер, знаходзячыся ў стане алкагольнага ап’янення, сагнаў са станцыі.
З заявай аб згоне службовага аўтобуса “ПАЗ-3205” 2001 года выпуску з прывакзальнай станцыі “Брэст-Цэнтральны” звярнуўся камандзір адной з воінскіх частак горада. Аднак далёка з’ехаць п’яны згоншчык не змог – тут жа на пляцоўцы ўрэзаўся ў аўтамабіль, перадае БелТА.
П’янага пенсіянера затрымалі і змясцілі ў ізалятар часовага ўтрымання. У дачыненні да віноўніка ДТЗ распачалі крымінальную справу. Як распавёў начальнік аддзела папярэдняга расследавання Ленінскага РАУС Берасця Аляксандр Варвашэня, матывы згону аўтобуса следчым пакуль устанавіць не ўдалося, магчыма, ён дасць якія-небудзь тлумачэнні пасля таго, як працверазее.
Па інфармацыі праваахоўных органаў, у пенсіянера ёсць праблемы з візай – тэрмін яе дзеяння скончыўся 8 мая. На тэрыторыі Беларусі ён знаходзіўся транзітам з Расіі.
Паводле telegraf.by
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…
