Летняя школа адбудзецца 3-9 ліпеня ў адной з еўрапейскіх краінаў з удзелам вядомых экспертаў Беларусі і Еўропы. У тыднёвай праграме – лекцыі, дыскусіі, навучальныя візіты, сімуляцыйныя гульні. Па выніках лепшыя выпускнікі атрымаюць магчымасці для рэалізацыі ўласнага праекту.
Рух “За Свабоду” запрашае маладых, таленавітых беларусаў, якія жадаюць працаваць у Беларусі і дзеля яе, узяць удзел у летняй школе “Беларусь. Еўропа. Дэмакратыя”, якая будзе прысвечаная шляху Беларусі да Еўропы. Таму і дата абвяшчэння набору была абраная не выпадкова: 9 траўня – Дзень аб’яднанай Еўропы.
Удзельнікі летняй школы пазнаёмяцца з вядучымі беларускімі знаўцамі сацыяльнай, палітычнай і эканамічнай сітуацыі, а таксама змогуць падыскутаваць з вядомымі еўрапейскімі экспертамі і палітыкамі. У праграме і іншыя цікавыя мерапрыемствы: экскурсіі, сімуляцыйныя гульні, абмеркаванні, кінапрагляды.
Нам вельмі важна, каб выпускнікі летняй школы змаглі на практыцы рэалізаваць атрыманыя веды: будуць падтрыманыя лепшыя ідэі на тэму “Інфармаванне беларусаў аб Еўрапейскім звязе”.
Паспяховыя ўдзельнікі летняй школы атрымаюць таксама рэкамендацыі для стажыявання ў еўрапейскіх арганізацыях.
Удзел у летняй школе могуць узяць асобы ва ўзросце 18-30 год, актыўныя ў грамадскай и альбо палітычнай сферы. Працоўная мова – беларуская. Арганізатары бяруць на сябе выдаткі на праезд і пражыванне.
Зацікаўленым асобам трэба запоўніць анкету ўдзельніка і напісаць эсэ на тэму “Якое месца Беларусі ў аб’яднанай Еўропе?”.
Анкеты дасылайце на мэйл edu.mff@gmail.com да 22 траўня 2011 году, пазначыўшы ў тэме ліста сваё імя і прозвішча.
Вынікі будуць абвешчаныя 26 траўня.
Дадатковая інфармацыя па тэлефоне +375 25 639 67 43.
Паводле pyx.by
Аляксей абраў для сябе вельмі незвычайныя інструменты і стыль спеваў. Ён лічыць, што важна прасоўваць…
Усё нестабільна, у жыцці стрэс Але сталасць тонка: У нас ёсць кава на вагу Ад…
Вулічныя музыкі – гэта сапраўдныя мастакі, якія робяць наша жыццё больш яркім і насычаным. Яны…
У гісторыі Берасця складзена неверагодная мазаіка культурнай спадчыны, у якой асаблівае месца займаюць сінагогі, якія…
Сёння мы вырашылі адправіцца ў кулінарнае падарожжа па сталовых горада, каб высветліць, якія з іх…
У непрыкметным куточку Берасця, на вуліцы Дзмітрыя Данскога, 11, паўстала ўнікальная гастранамічная ініцыятыва, якая ўжо…