У Кобрыне на плошчу выйшла 28 чалавек. Людзі баяліся, прыглядаліся, а потым далучаліся.
У цэнтры плошчы малады хлопец з дзіцёнкам каталі лысае кола.
Удзельнікі акцыі не адразу зразумелі што гэта значыць. Потым хлопец паведаміў, што цэлы дзень ездзіў па аўтасервісах каб яго знайсьці спецыяльна для акцыі.
У 20 хвілін да ўдзельнікаў акцыі падыйшоў чалавек, які сказаў, што ен разам з удзельнікамі, і што за жылымі дамамі стаіць аўто з міліцыянтамі. Але іх удзельнікі бачылі яшчэ да яго паведамленьня.
Кобрын, 15.06
На плошчы каля крамы стаяў аўтамабіль з якога за акцыяй назіралі людзі ў цывільным. Каля іх пачалі катаць лысае кола. З другога паверху райвыканкама за акцыяй назірала жанчына. Як толькі яе паспрабавалі сфатаграфаваць, яна адразу ж знікла.
Кобрын, плошча
У 19.30 на плошчу з-за дамоў дзе стаяла міліцэйскае аўто выйшаў патруль, які рухаўся на плошчу, але ўдзельнікі акцыі пачалі разыходзіцца. Затрыманьняў не было. Увесь час праз мабільныя тэлефоны людзі назіралі за падзеямі ў Менску. Многія былі задаволены, што ў Кобрыне таксама есць людзі якія не баяцца выйсьці. На прыканцы акцыі, як жарт, паступіла прапанова на наступную сераду зрабіць забег з лысымі коламі.
На папярэднім тыдні ў Кобрыне выйшла 9 чалавек.
Дзіця і кола
