6 кастрычніка а 12:30 Зміцер Шурхай быў чарговы раз затрыманы. Яго падазраюць у намеры здзейсніць парушэнне закону аб масавых мерапрыемствах.
Як паведамляе прэс-служба БХД, каардынатар аргкамітэту па стварэнні партыі Беларуская Хрысціянская Дэмакратыя па Берасцейскай вобласці быў зняты з цягніка па дарозе Берасце-Менск.
Затрыманне праводзілі двое чалавек: адзін у цывільным, другі ў форме. Пасля чаго накіравалі яго ў дзяжурную частку Чыгуначнага вакзалу Баранавічаў, дзе вырашыцца ягоны лёс.
