Сайт прысвечаны аматарам ровараў, тым, хто не абыякавы да лёсу нашых двухкалёсных сяброў.
Аснова сайта кампаніі “За вела-Брэст” (арганізаванай агенствам рэгіянальнага развіцця “Дзедзіч”) – 10 сацыяльных ролікаў, якія папулярызуюць роварны рух. Тэматыка ролікаў розная, аднак агульнае ў іх – рашэнне шматлікіх сацыяльных (і не толькі) праблем пры дапамозе такога вынаходства 19 стагоддзя, як ровар.
Таксама на сайце змешчаны матэрыялы, карысныя для велааматараў. Для тых, хто не растаецца з роварам у паўсядзённым жыцці – мапа Берасця з адзначаннымі дарожкамі для раварыстаў, паркоўкамі і роварнымі крамамі. Ёсць артыкулы, што адказваюць на распаўсюджаныя пытанні: ад “як катацца ў дождж” да “як выбраць ровар”, ад “як перасоўвацца па горадзе” да”што рабіць, калі ровар выкралі”.
А для тых, хто хоча цікава правесці час ды за адно бліжэй пазнаёміцца з роднымі мясцінамі, прапануецца шэраг турыстычных роварных маршрутаў па Берасцейскай вобласці. Маршруты розныя па даўжыні і складанасці – на любы густ.
Карацей кажучы, лепей адзін раз пабачыць, чым сто разоў слухаць. Таму, калі ласка просім сюды.))))
Нагадваем, што ў гэтую суботу, 15 кастрычніка, у рамках кампаніі “За Вела-Брэст” адбудзецца роварны прабег, у ўдзельнікаў якога будзе магчымасць апынуцца на фэсце “БУГаРОК” бясплатна. Падрабязней глядзіце тут.
Здымкі ролікаў "За вела-Брэст"
