Моладзевая асацыяцыя “StudAlliance” запрашае вучняў 10-11 класаў беларускіх школ да ўдзелу ў культурна-адукацыйным праекце “Адкрый для сябе Вільню!” (Discover Vilnius!)
Удзельнікам праекта прадставіцца магчымасць наведаць перадкалядную Вільню, пазнаёміцца з гісторыка-культурнай спадчынай Літвы, а таксама наведаць адукацыйныя інстытуцыі Вільні і проста файна прабавіць час.
16 снежня (пятніца) ўдзельнікам праекта прапануецца сустрэцца са сваімі аднагодкамі з літоўскай школы, пазнаёміцца з літоўскай мовай і літоўскай гісторыка-культурнай спадчынай праз удзел ва ўнікальнай экскурсіі па Старым Горадзе Вільні.
17 снежня (субота) ўдзельнікі праекта пазнаёмяцца з адукацыйнымі магчымасцямі Еўрапейскага гуманітарнага ўніверсітэта, здолеюць паўдзельнічаць у лекцыях і семінарах гэтай вышэйшай навучальнай установы. У той самы дзень прапануецца наведаць чароўны зімовы Тракайскі замак, рэзідэнцыю князёў Вялікага Княства Літоўскага.
Падрабязней глядзіце тут.
