Гэты факт пацвердзіў жыхар вёскі Тамашоўка (Берасцейская вобласць) Мікалай Карнацэвіч, які падстрэліў прадстаўніка дадзенага сямейства падчас чарговага палявання.
Шакалы – жывёлы з сямейства сабачых, якія жывуць у Афрыцы, Азіі і Паўднёва-Усходняй Еўропе. Гэты звер зусім не характэрны для нашых шырот.
Па меркаванні навукоўцаў, чыннікам такой эміграцыі жывёл стала агульнае пацяпленне клімату, – паведамляе прэс-служба СТВ.
– За ўсю гісторыю даследаванняў фауны млекакормячых не было дакладных фактаў заходу на тэрыторыю Беларусі шакалаў. Сёння на ўзроўні ДНК з высокай дакладнасцю можна даведацца, да якога віду належыць гэты, зараз ужо паляўнічы, трафей – дадаў Віктар Дзямянчык, намеснік дырэктара Палескага аграрна-экалагічнага інстытута НАН Беларусі.
Шакал
Фота: pieterbruegel.narod.ru
