У хуткім часе на базе ААТ «Камароўка» будзе адкрыты агратурыстычны комплекс, што стане адным з фактараў павелічэння колькасці водных экскурсійна-турыстычных маршрутаў у рэспубліканскім заказніку «Прыбужскае Палессе».
З зайздрасцю сёння пазіраюць рыбакі памежнай вёскі Тамашоўка і навакольных вёсак Берасцейскага раёна на левы бераг Заходняга Буга, а польскія суседзі з процілеглага боку мяжы цягаюць з ракі спінінгамі шчупакоў і судакоў, вудзяць ляшчоў і плоткі. У хуткім часе такая магчымасць павінна з’явіцца і ў беларусаў.
Як паведаміла газеце “Зара над Бугам” намеснік старшыні райвыканкама Людміла Жуковіч, на адкрытай пляцоўцы ў раёне Тамашоўскай пагранічнай заставы будзе дазволена рыбная лоўля.
Акрамя гэтага, ў памежнай зоне з’явіцца новы турыстычны маршрут для байдарачнікаў падрыхтаваны па рацэ Заходні Буг ад Тамашоўкі да Даманава. У маршруце таксама запланаваны і агляд польскага мястэчка Уладава.
Але не будзе ўсё так проста: калі хто-небудзь пабочны паспрабуе перайсці мяжу, яе зноў зачыняць, а водны турызм забароняць, – піша Еўрадыё.
Нагадаем, што ў мінулым годзе было запланавана адкрыццё доступа на памежную раку Заходні Буг жыхарам вёскі Тамашоўка для адпачынку, збору ягад і грыбоў. Але гэта засталося толькі на паперы.
Таму магчыма гэты праект дапаможа людзям, якія нарадзіліся каля ракі, паглядзець на яе не толькі на фотаздымках.
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…
