Берасцейскі рок будзе жыць!

У клубе СІТІ 29 красавіка адбыўся адзін з нешматлікіх канцэртаў брэсцкай рок-сцэны. У ім прынялі ўдзел такія гурты як PIROUETTE, TerraKod, Sciana, а таксама нашы госці з Украіны – гурт Rolliks.
Пачаўся канцэрт з выступу самага маладога берасцейскага гурта PIROUETTE. Ён праходзіў ў вельмі спакойнай абстаноўцы. Слухачы ціха падпявалі, затое пасля песень пляскалі досыць гучна. Бо менавіта  сэнсавыя і жыццёвыя пені гэтага гурта змаглі закрануць кожнага з слухачоў.

Працяг мерапрыемства было за маладым, але шматспадзеўным гуртом “TerraKod”. 30 хвілін працягвалася “музычная атака” ад “TerraKodа” і ўвесь гэты час публіка горача падтрымлівала выступ музыкаў.

Хацелася б адзначыць, што музыкі адчувалі сябе на сцэне ўпэўнена, нягледзячы на тое, што для некаторых удзельнікаў гурта выступ быў дэбютным. Гэта сведчыць аб тым, што музыкі валодаюць выдатным патэнцыялам для паспяховага творчага развіцця.

 

 

Далей на сцэну выйшаў гурт Sciana, чыя музыка ўспрымалася аўдыторыяй з непадробнай цікавасцю, таму што хлопцы пастаянна эксперыментуюць з музыкай, шукаюць развіццё выпрацаванай лініі, стылю. І ні што не змагло стрымаць у гэты момант берасцейцаў – яны “адрываліся па-максімуму”. Гурт Sciana акрамя сваіх усім вядомых кампазіцый прадставіў публіцы і новыя.

Кульмінацыяй жа канцэрту можна смела назваць яркі сумесны выступ гуртоў Rolliks І Sciana. На гэты раз музыкі падарылі слухачам зусім новую песню, якая нясе сур’ёзную сэнсавую нагрузку, пад назвай “Беларусь-Україна”.

 

У завяршэнні канцэрту гурт Rolliks прадставіў берасцейцам свой новы альбом “Перетворися на зброю”, які складаецца з 12 трэкаў, дзе кожны нясе свой пасыл, ідэю, думку.

Заўсёды не прыемна заканчваць агляд на мажорнай ноце, але сказаць аб набалелым ўсё ж неабходна. Знайсці ў нашым горадзе канцэртную пляцоўку з выдатнымі акустычнымі параметрамі практычна не магчыма, а адсюль – нездавальняючая якасць гука. Пакутуюць ад гэтага не толькі слухачы, але і музыкі, якія замест таго, каб якасна і паўнавартасна прадставіць сваю праграму проста не могуць гэтага зрабіць.

Сам канцэрт у нейкай меры можна смела назваць толькі для «сваіх», таму што з цяжкасцю там можна было налічыць больш за сотню слухачоў. Дадзены факт засмучае тым, што, магчыма, людзі нашага пакалення вельмі мала сталі надаваць увагі менавіта той музыцы, якая дае магчымасць задумацца, а не проста шум у навушніках. А магчыма берасцейцы проста прымалі актыўны ўдзел у пасяўной кампаніі або рыхтаваліся да святкавання 1 траўня? 🙂

Не гледзячы на гэта, ў Берасці застануцца музыкі, якія будуць жадаюць змяніць становішча рэчаў, будуць па-ранейшаму ўзнікаць новыя гурты, застануцца і прыхільнікі рок-музыкі, якія па-ранейшаму будуць наведваць канцэрты. Не дарма ж, гурт Sciana завершыў свой выступ кампазіцыей з шмат абяцаючай назвай “Працяг будзе”.