Гішпанска-беларускі моладзевы абмен у Менску

РГА “Беларуская асацыяцыя клубаў ЮНЕСКА” аб’яўляе набор удзельнікаў для беларуска-гішпанскага моладзевага абмену “Volintegration”.

Патрабаванні да ўдзельнікаў: 15-18 гадоў, валоданне гутарковай ангельскай мовай, зацікаўленасць у валанцёрскай працы (тэма праекта: Volintegration: We make it together).

Грамадская арганізацыя “La Rotllana” (г. Бадалона, Гішпанія) ужо некалькі гадоў актыўна рэалізоўвае праекты, накіраваныя на падтрымку дзяцей з розных рэгіёнаў Гішпаніі і Еўропы. У межах гэтага праекту ў 2011 годзе група беларускіх падлеткаў наведала Бадалону, дзе былі наладжаны кантакты і зарадзіліся ідэі агульных праектаў з гішпанскімі аднагодкамі. Наступны этап супрацоўніцтва – прыезд дзяцей з Гішпаніі і сумесная валанцёрская дзейнасць у Беларусі.

У праграме абмену: знаёмства з працай РГА БелАЮ, навучальныя трэнінгі (тэматыка: прафілактыка здаровага ладу жыцця, праца з дзецьмі з парушэннямі развіцця), сумесная валанцёрская праца, насычаная культурна-забаўляльная праграма.

Пражыванне і харчаванне ўдзельнікаў (па 18 падлеткаў з кожнага боку) на час абмену цалкам аплочваецца арганізацыяй.

Ахвотным прыняць удзел у праекце неабходна да 10 траўня (да 18.00) даслаць матывацыйны ліст на электронны адрас hanna.baradzina@gmail.com з наступнай інфармацыяй:

• Прозвішча і імя;

• Дата нараджэння;

• Хатні адрас;

• Кантакты: мабільны тэлефон, эл. пошта, акаўнты ў сацсетках, мабільны нумар аднаго з бацькоў;

• Чаму ты хочаш прыняць удзел у дадзеным абмене?

Падрабязнасці: hanna.baradzina@gmail.com , info@belau.info або па тэл. +37529 7792883, +37529 6818609.

Крыніца: adukacyja.info