Некалькі гадоў запар у Берасце ствараліся першыя класы, дзе б навучанне адбывалася на роднай мове. Летась у адной з пачатковых школаў гораду пяць дзяцей пачалі вучыцца па-беларуску, сёлета за гэтае права зноўку прыйдзецца змагацца.
Як паведамляе Праваабарончы цэнтр “Вясна”, зараз мясцовы праваабаронца Уладзімір Вялічкін выступае з ініцыятывай, каб і сёлета былі створаныя падобныя класы.
Дзеля гэтага Вялічкін выкарыстоўвае ўласны досвед. “Для таго, каб аддаць свайго сына Францішка ў беларускі клас, мы з жонкай пачалі рабіць захады амаль за год да гэтай знакавай падзеі, – распавядае праваабаронца. – Звярталіся ў наш аддзел раённай адукацыі, адміністрацыю Маскоўскага раёна горада Берасця, і ў выніку гэты клас быў створаны”.
Уладзімір Вялічкін упэўнены, што калі актыўна адстойваць права на беларускамоўную адукацыю для сваіх дзяцей, можна дабіцца адкрыцця яшчэ большай колькасці такіх класаў. Пры гэтым праваабаронца дае параду бацькам, каб яны не адкладвалі пытанне непасрэдна да пачатку новага вучэбнага году, а паклапаціліся ўжо зараз. Бо галоўная праблема – не ў падручніках альбо настаўніках, а ў жаданні саміх дзяцей і іх бацькоў атрымаць адукацыю на роднай мове.
Крыніца: spring96.org
Аляксей абраў для сябе вельмі незвычайныя інструменты і стыль спеваў. Ён лічыць, што важна прасоўваць…
Усё нестабільна, у жыцці стрэс Але сталасць тонка: У нас ёсць кава на вагу Ад…
Вулічныя музыкі – гэта сапраўдныя мастакі, якія робяць наша жыццё больш яркім і насычаным. Яны…
У гісторыі Берасця складзена неверагодная мазаіка культурнай спадчыны, у якой асаблівае месца займаюць сінагогі, якія…
Сёння мы вырашылі адправіцца ў кулінарнае падарожжа па сталовых горада, каб высветліць, якія з іх…
У непрыкметным куточку Берасця, на вуліцы Дзмітрыя Данскога, 11, паўстала ўнікальная гастранамічная ініцыятыва, якая ўжо…
View Comments
"у Берасце ствараліся" - у БерасцІ. Я разумею, што матэрыял ня ваш, але відавочную памылку выправіць варта.