З 26 па 30 верасня ў Гётэборгу адрузу на некалькіх стэндах кніжнай выставы-кірмаша наведвальнікі змаглі ўбачыць інфармацыю пра Алеся Бяляцкага і іншых палітвязняў. Паводле Праваабарончага цэнтра “Вясна”.
Прапаноўвалася дасылаць паштоўкі са словамі падтрымкі ў беларускія турмы. Правам чалавека былі прысвечаныя таксама публічныя выступы і дыскусіі ў межах выставы.
На стэндзе арганізацыі Östgruppen былі падрыхтаваныя плакаты з заклікамі вызваліць праваабаронцу Алеся Бяляцкага, а таксама паштоўкі, якія можна было адразу з выставы адправіць беларускім палітвязням. У межах выставы адбылася прэзентацыя Марціна Угла з Östgruppen пад назвай “Усе мы Алесь”, прысвечаная старшыні ПЦ “Вясна”.
Аннэлі Джордал распавяла пра сваё падарожжа ў Беларусь, якое ператварылася ў кнігу. Аўтарка асобна распавяла пра масавыя затрыманні і збіццё актывістаў у Беларусі падчас мітынгаў пратэсту. А былы камісар Савета Еўропы па правах чалавека Томас Хамарберг – пра тое, як можна адмяніць смяротнае пакаранне ў Беларусі. Былы амбасадар Швецыі ў Беларусі Стэфан Эрыксан адказаў на пытанні, звязаныя з дыпламатычным крызісам паміж нашымі краінамі – наступствы падтрымкі грамадзянскай супольнасці, “плюшавы дэсант” і інш.
Праблема дыскрымінацыі ЛГБТ-супольнасці была агучана беларускімі актывістамі і прадстаўніком шведскай арганізацыі TUPILAK Білам Шылерам, які летась прысутнічаў на гей-прайдзе ў Мінску.
Крыніца: spring96.org
Аляксей абраў для сябе вельмі незвычайныя інструменты і стыль спеваў. Ён лічыць, што важна прасоўваць…
Усё нестабільна, у жыцці стрэс Але сталасць тонка: У нас ёсць кава на вагу Ад…
Вулічныя музыкі – гэта сапраўдныя мастакі, якія робяць наша жыццё больш яркім і насычаным. Яны…
У гісторыі Берасця складзена неверагодная мазаіка культурнай спадчыны, у якой асаблівае месца займаюць сінагогі, якія…
Сёння мы вырашылі адправіцца ў кулінарнае падарожжа па сталовых горада, каб высветліць, якія з іх…
У непрыкметным куточку Берасця, на вуліцы Дзмітрыя Данскога, 11, паўстала ўнікальная гастранамічная ініцыятыва, якая ўжо…