Зняволены кіраўнік Праваабарончага цэнтру “Вясна” і віцэ-прэзідэнт Міжнароднай Федэрацыі за правы чалавека (FIDH) Алесь Бяляцкі піша, што па-ранейшаму спрабуе адказаць на ўсе атрыманыя ім віншаванні з 50-годдзем. А такіх лістоў і паштовак на 4-га кастрычніка Алесь налічыў каля 700. Паводле Праваабарончага цэнтра “Вясна”.
“Яны яшчэ ідуць, даходзяць пасланыя з-за мяжы, і беларусы некаторыя спахапіліся і дасылаюць наўздагон”, – каментуе ён свае падлікі і кажа, што сярод іх ёсць арыгінальныя віншаванні ад дзяцей.
“Яны яшчэ ідуць, даходзяць пасланыя з-за мяжы, і беларусы некаторыя спахапіліся і дасылаюць наўздагон”, – каментуе ён свае падлікі і кажа, што сярод іх ёсць арыгінальныя віншаваньні ад дзяцей.
Такое віншаваньне Алесю Бяляцкаму даслаў Мікіта, сын рэжысёра-дакументаліста Алега Дашкевіча.
Праваабаронца распавядае, што 3 кастрычніка ён атрымаў адразу 209 паштовак і лістоў з Украіны – іх сабрала і пераслала палітвязьню ўкраінскае аддзяленьне Amnesty International. “Я сёньня сядзеў да абеду чытаў. І па лістах можна заўважыць розьніцу ў характарах украінцаў і беларусаў. Украінцы падаюцца мне больш адкрытымі і меньш агледлівымі”. І далей Алесь падае шматгалосьсе цытатаў з гэтых лістоў і паштовак, якія падаюцца яму арыгінальнымі.
“Дык вось што пішуць мне ўкраінцы:
– Падтрымліваю Вашу барацьбу за свабоду беларускага народу. Ніколі не здавайцеся!
– Праўда заўжды пераможа! Трымайся, Алесь! Разам нас багата!
– Алесь! Выходзь хутчэй – тут усе цябе чакаюць. Ну і з днём нараджэньня!
– З днём нарадэньня. Бунтуй! Кахай! Усяго найлепшага!
– Каб Ваш наступны дзень нараджэньня Вы сустрэлі разам з намі ў Кіеве на Майдане Незалежнасьці. Немажлівага не існуе. З Богам.
– Алесь! Вітаю з юбілеем! Хай наступны юбілей твой будзе ў сям’і. Няхай паздыхаюць твае ворагі. Твой цёзка.
– Вітаю з з днём нараджэньня! Трымай удар!
– Жадаю волі і свабоды ва ўсім сьвеце!
– Дарагі Алесь! Чуў на Радыё Свабода, што ты ўліп ні за што. Трымайся ўжо да канца. Цісну руку.
– Шаноўны Алесь! Вы пераможаце. Шаўчэнка казаў: “Барыцеся – пабораеце!”
– Дружа Алесь, навукоўцы з Львова падтрымліваюць Вашую барацьбу! За нашую і вашую свабоду!
– Жадаю свабоды Вам і ўсяму беларускаму народу! Антон.
– С днем рожденья, Алесь! Мы с Вами, не огорчайтесь! Студентка.
– Алесь! Так держать! С днем рожденья!
– Трымайцеся! Contra spem spero.
– С днем рожденья, Алесь! Выходите поскорей.
– Держись, Мужик! Уже 50.
– З днюхою, Дядько! Юра з Киева.
Некаторыя з гэтых віншаваньняў і троху сьмешныя, але ўсе яны вельмі шчырыя. А некаторыя вельмі глыбокія. Я ўсім ім удзячны за падтрымку. У адказе ў офіс Amnesty International у Кіеве я напісаў, што гэтыя 209 паштовак роўна на 209 дзён узнялі мой настрой і далі энэргію”.
Алесь Бяляцкі таксама ўзрадаваны тым, што атрымаў віншаванні ад сваіх сяброў і калегаў з парыжскага офісу FIDH – “усе подпісы паставілі!”.
Таксама да палітвязьня дайшлі віншаваньні з лонданскага офісу Amnesty International, ад Польскага Хельсінкскага фонду, праваабаронцаў з Нарвегіі і Швецыі. А 4 кастрычніка ён атрымаў яшчэ 89 паштовак і лістоў – з Польшчы, ад удзельнікаў канферэнцыі АБСЕ, Галандыі, Фінляндыі.
Крыніца: spring96.org
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…
