Вечарам 25.10.2012 Юрась Губарэвіч і Сяргей Чалы прэзентавалі Народную праграму Беларусі – дакумент мэтай якога з’яўляецца выпрацоўка новага пазітыўнага бачання будучыні Беларусі з дапамогай экспертнага і шырокага грамадскага абмеркавання праблемаў і надзённых пытанняў развіцця краіны.
Прэзентацыя была арганізавана ў рамах супольнага праекту “Еўрапейскі дыялог для мадэрнізацыі час мерапрыемства прадстаўнікам польскай экспертнай супольнасці і беларускай дыяспары была прадстаўлена брашура «Народная праграма – матэрыялы для шырокай грамадскай дыскусіі»
«Вельмі важна што Народная праграма гэта не партыйны праект, гэта шырокая платформа ўдзел у якой бяруць эксперты з самымі рознымі поглядамі, таму яна ўжо прайшла экспертную ацэнку. НП – гэта першы адэкватны дакумент які запатрабаваны грамадствам. Тое што сёння можа прапанаваць улада – гэта застой,
тое што сёння прапаноўвае НП – гэта сур’ёзная і грунтоўная альтэрнатыва, а новых прапановаў няма, і нават спрэчак няма. Пад гэтым дакументам могуць падпісацца ўсе. Народная праграма – можа паслужыць таксама і платформай для аб’яднання беларускіх дэмакратычных партый і рухаў . Гэта праграма на выпадак калі ў Беларусі нешта здарыцца, гэта не праграма як браць уладу.» – сказаў вядомы эканамічны
аналітык Сяргей Чалы.
Ацэньваючы палітыку беларускіх уладаў, эксперт С.Чалы заявіў – «У беларускіх уладаў зараз новая фішка пад назвай мадэрнізацыя. Але ж гэта зусім не тое, чым на самой справе мадэрнізацыя з’яўляецца»
Ю. Губарэвіч – «На сённяшні дзень, няма хіба ніводнай палітычнай сілы якая б крытыкавала Народную праграму. Перспектывы ёсць. Мы не маем манаполіі на гэтую праграму, таму НП і стала дакументам у распрацоўцы якога ўзялі ўдзел шматлікія беларускія эксперты.»
Прэзентацыя ў Беларускім Доме ў Варшаве сабрала поўную залю, а выступы гасцей скончыліся авацыямі.
Кантакт для СМІ: tel: +48 605 140 861
mail: [email protected]
Узнятыя ў рамках Народнай праграмы тэмы абмяркоўваюцца ўсімі зацікаўленымі грамадзянамі анлайн на сайце PRAHRAMA.BY. Апрача гэтага, такія дыскусіі адбываюцца падчас круглых сталоў і грамадскіх слуханняў.
У выніку нараджаюцца сумеснае бачанне змен і канцэпцыі вырашэння праблем – своеасаблівыя “дарожныя мапы” рэформаў, патрэбныя для лепшай Беларусі.
