Жыхары абласнога цэнтру ніяк не могуць дамагчыся, каб аўтобусны парк №1 г.Брэста скарэктаваў рух грамадскага транспарту, які тычыцца мікрараёнаў Граеўка і Бярозаўка. Паводле Праваабарончага цэнтра “Вясна”.
Як паведаміла старшыня брэсцкай гарадской арганізацыі Беларускай партыі левых “Справядлівы свет” Людміла Дзенісенка, з адказу на калектыўны зварот, атрыманага ад дырэктара аўтобуснага парка Уладзіміра Кічкайлы, вынікае, што расклад змяніць немагчыма, бо ён зроблены пад рэжым працы прадпрыемстваў і арганізацый горада, а таксама пад прыбыццё і адпраўленне прыгарадных цягнікоў.
“Але ж людзі ў сваім звароце і звярталі ўвагу, што пасля прыбыцця вечаровага цягніка з Мінску не магчыма даехаць гарадскім аўтобусам у згаданыя мікрараёны, – заўважае Людміла Дзенісенка. – Атрымліваецца, што колькі людзі не звяртаюцца, іх просьбы ніхто не збіраецца ўлічваць”.
Актывістка “Справядлівага свету” адзначае, што такія рэчы набываюць сістэмны характар і таму патрабуецца ўмяшальніцтва вышэйшых інстанцый, бо брэсцкія гарадскія ўлады фактычна ўхіліліся ад вырашэння праблем гарадскога грамадскага транспарту і не рэагуюць належным чынам на просьбы гараджан удасканаліць расклад руху аўтобусаў.
Крыніца: spring96.org
У свае трыццаць жанчына вярнулася з немаўлём з радзільнага дому, а выйшла ў людзі толькі…
Яскравасць, свабода, імправізацыя – менавіта такімі словамі можна апісаць па-сапраўднаму захапляльны танец, і менавіта такія…
У апошні час людзі усё больш і больш пачалі клапаціцца пра сябе, пачалі надаваць больш…
Анастасія ўсяго два гады таму зрабіла рашучы крок, пакінуўшы ззаду свае дванаццаць гадоў працы трэнерам…
У мінулыя выхадныя ва ўтульным кафэ «Progresso» на Машэрава, 53, прайшла чарговая сустрэча клуба настольных…
Ва ўтульнай арт-студыі Берасця, створанай з любоўю і ўвагай да дэталяў, прайшоў майстар-клас па маляванні…