Некалькі дзён запар аўтамабілі, якія працуюць на газавым паліве, пры перасячэнні беларкуска-польскай мяжы трапляюць у зону павышанай увагі супрацоўнікаў Брэсцкай мытні. Паводле Праваабарончага цэнтра “Вясна”.
Па словах аўтаўладальнікаў, мытнікі аглядаюць паліўныя бакі, але дзеля гэтага выкарыстоўваюць шлангі альбо свецяць у бак ліхтарыкамі. Гэта выклікае вялікую занепакоенасць у кіроўцаў, якія лічаць, што такі агляд – “да першага пажару”. Але самае галоўнае: мытнікі спасылаюцца на загад свойго кіраўніцтва, аднак ніякіх дакументаў у пацверджанне сваіх словаў не прад’яўляюць.
Кіраўнік прэс-службы Брэсцкай мытні Сяргей Малеў паведаміў, што ніякіх новых загадаў ды інструкцый наконь агляду транспартных сродкаў не было, а больш пільная ўвага газавым паліўным бакам надаецца таму, што частымі сталі выпадкі, калі ў гэтых баках нелегальна правозяцца забароненыя рэчы. Ускосна Сяргей Малеў пагадзіўся, што агляд з ліхтарыкам можа быць небяспечны для тых, хто гэты агляд праводзіць.
У той жа час уладальнікі аўтамабіляў, якія працуюць на газавым паліве, заўважаюць, што іх не пакояць не толькі сумнеўныя захады па агляду транспартных сродкаў, але і тое, што гэта часам з’яўляецца дадатковай падставай для мытнікаў, каб не дазваляць выезд за мяжу. Такія абмежаванні кіроўцы лічаць незаконнымі і парушаючымі іх правы на свабоднае перамяшчэнне.
Крыніца: spring96.org
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…
