Жыхар Брэста Міхаіл Лукашук 13 гадоў таму падаў дакументы на прыватызацыю дома і зямельнага ўчастка ва УП праектны інстытут “Брэстгіпразем”, заплаціўшы патрэбную суму для афармлення дакументаў. Паводле Праваабарончага цэнтра “Вясна”.
Але патрэбныя дакументы так і не атрымаў. Спачатку супрацоўнікі “Брэстгіпразема” прасілі пачакаць да новых зменаў у заканадаўстве. Але змянілася заканадаўства і разам з тым аплата за дакументы. З Лукашука сталі патрабаваць даплаты. Мужчына заўпарціўся і адмовіўся даплаціць грошы па прычыне таго, што здаў дакументы да зменаў і цалкам разлічыўся за паслугі.
За дапамогай Міхаіл Лукашук звярнуўся да брэсцкіх праваабаронцаў.
Па словах праваабаронцы Уладзіміра Вялічкіна, пасля 13 гадоў змаганняў, гары спісаных папер, ужо нават калі знікла вера ў перамогу, перамога прыйшла. Спадар Лукашук атрымаў адказ з упраўлення Дзяржаўнай камунальнай маёмасці РБ, што прадпрыемства “Брэстгіпразем” павінна за свой кошт зрабіць яму ўсе дакументы, паколькі свае абавязкі ў адносінах да “Брэстгіпразема” грамадзянін выканаў цалкам.
Праўда, Міхаіл Лукашук канчаткова паверыць сваёй перамозе толькі тады, калі будзе трымаць дакументы на руках.
Крыніца: spring96.org
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…
