Беларускія грамадзянскія актывісты арганізуюць Bў-ROOM – творчую грамадзянскую прастору, якая будзе дзейнічаць адначасова з Віленскім самітам. Гэтая падзея, якая адбудзецца 28-29 лістапада, прыцягне ўвагу да грамадзянскай супольнасці ў Беларусі – найбліжэйшага геаграфічнага партнёра Еўрапейскага Саюза, які ўпарта застаецца з большага ізаляваным ад Усходняга Партнёрства.
Мэта Bў-ROOM – даць магчымасць беларускай грамадзянскай супольнасці падзяліцца сваім досведам працы ўнутры Беларусі і даць магчымасць наведвальнікам Віленскага саміту сустрэцца з прадстаўнікамі як нацыянальных, так і рэгіянальных няўрадавых арганізацый і ініцыятыў з Беларусі. Адкрытая і гнуткая праграма дазволіць азнаёміцца з дзейнасцю самых розных арганізацый грамадзянскай супольнасці ў Беларусі.
У межах Bў-ROOM адбудзецца выстава Belarus Press Photos, а таксама пройдзе кірмаш няўрадавых арганізацый, будуць арганізаваныя нефармальныя круглыя сталы і будзе дзейнічаць мультымедыйная пляцоўка, на якой будуць паказваць фільмы і іншыя матэрыялы з Беларусі. Апроч таго, для журналістаў будзе забяспечаны прэс-цэнтр, а жадаючыя правесці час у нефармальных дыскусіях змогуць зрабіць гэта падчас каштавання беларускіх страваў.
Прэзентацыі і праграмы ў межах падзеі будуць прысвечаны сямі важным сферам: культуры, адукацыі, экалогіі, мясцовым грамадскім ініцыятывам, гендэру, правам чалавека і даследаванням. У дадатак, Bў-ROOM арганізуе панельныя дыскусіі на тэму адносінаў паміж ЕС і Беларуссю, якія будуць праходзіць у межах афіцыйнай дадатковай падзеі Віленскага саміта, прысвечанай правам чалавека.
Да ўдзелу ў Bў-ROOM запрашаюцца ўсе, хто зацікаўлены ў Беларусі, Усходнім партнёрстве або ўвогуле ў грамадзянскай супольнасці ўвогуле.
Калі ласка, дасылайце заяўку на рэгістрацыю: [email protected].
Сачыце за намі на Facebook.
Дата: 28 лістапада (11:00 – 20:00) і 29 лістапада (1:30-3:30)
Месца: Novotel Hotel, Gedimino pr. 16, Вільня, Літва
Арганізатары: Belarus Press Photo, Еўрапейскі Гуманітарны Універсітэт, Міжнародны кансорцыюм “Еўрабеларусь”, Еўрарадыё, Беларускі дом правоў чалавека імя Барыса Звозскава, ByWatch
