З 2012 года пры БрДУ імя А.С. Пушкіна існуе тэатр “Эпізод У-нескладовік”, які грае п’есы вядомых беларускіх драматургаў.
Праграма гэтай беларускамоўнай тэатральнай трупы з філалагічнага факультэта на гэты момант невялікая, але студэнты ставяць ужо такія творы нацыянальнай драматургічнай скарбніцы, як “Прымакі” (Янка Купала), “Мікітаў лапаць” (Міхась Чарот) і некаторыя іншыя.
Апошні выступ быў дадзены 24 красавіка ў актавай зале старога корпуса БрДУ. Гледачы малі магчымасць пазнаёміцца з унікальнымі прыкладамі беларускай гаворкі, нацыянальнага гарнітура, а таксама з непаўторнымі выразамі і характарамі людзей, якія жылі на беларускай зямлі да нас. Рушнікі, арнамент на адзежы, вясковы побыт, мясцовы нораў – усё гэта натхняе маладых акцёраў у працэсе пранікнення ў лёсы герояў.
Пакуль што трупа дае выступы толькі на пляцоўках роднай альма-матэр, але цяпер народная тэматыка Беларусі ўпрыгожвае хоць бы не толькі філфак, але і ўвесь універсітэт сваім хараством і шматграннасцю характэрных праяў.
