Горад Гдыня ізноў запрашае да сябе беларускую моладзь на бясплатныя навучальныя візіты

«Навучальныя візіты ў Гдыні» – праект, у рамках якога маладыя людзі з Беларусі, Украіны, Малдовы і Расійскай Федэрацыі (Калінінградская вобл.) могуць наведаць Гдыню ў фармаце двухтыднёвай навучальнай паедзкі.

Арганізатары анансуюць патэнцыйным удзельнікам, што навучальныя візіты дадаць магчымасці:

• пазнаёміцца з Польшчай — упершыню альбо бліжэй,
• даведацца пра адміністратыўную і адукацыйную сістэмы,
• пабачыць уладу, бізнэс і СМІ праз розныя пункты гледжання,
• наведаць дзяржаўныя і грамадскія ўстановы,
• зразумець практычую дзейнасць ў польскіх арганізацыях,
• адчуць польскую культуру і гісторыю,
• вывучыць трохі польскай мовы праз жывыя размовы.

Фундатар праекту — гарадскі савет горада Гдыні.

Профіль удзельнікаў навучальнага візіту:

• ўзрост 18+
• актыўныя і ініцыятыўныя
• студэнты, грамадскія актывісты і прадстаўнікі мясцовых НДА
• грамадзяне Беларусі, Украіны, Малдовы і Расійскай Федэрацыі
• (толькі жыхары Калінінградскай вобл.)
• вольна валодаюць рускай мовай

Мэта праекту — паказаць дэлегатам развіццё Польшчы ад моманту падзення камунізму да ператварэння ў паўнавартасную еўрапейскую краіну.

Праграма навучальнага візіту складаецца з нефармальных сустрэч з палітыкамі, прадстаўнікамі грамадскіх арганізацый, польскімі студэнтамі і іншымі актывістамі, што дазваляе ўсталяваць жывыя зносіны, задаць шматлікія пытанні і паглядзець знутры на дзейнасць розных устаноў.

Удзельнікам прапануецца ў рамках праекту:

• пакрыццё коштаў праезду да Гдыні і вяртання дамоў
• пражыванне ў інтэрнаце і харчаванне
• усе выдаткі, звязаныя з мерапрыемствамі праграмы
• падтрымка ў атрыманні шэнгенскай візы

Працоўная мова праекту — руская. Падача заявак і ўдзел у візыце — бясплатныя.

Вясной 2015 года запланаваны адзін навучальны візіт ў Гдыні ў датах:

20 красавіка – 1 траўня 2015 г.

Кандыдаты павінны запоўніць анкету-заяўку праз форму Google: http://goo.gl/SyNSTw

Апошні тэрмін прыёму заявак: 31 студзеня 2015 г.

«Цэнтр супрацоўніцтва моладзі» (Centrum Współpracy Młodzieży) ў Гдыні – польская недзяржаўная і незалежная арганізацыя, якая працуе з моладдзю, лідарамі грамадскіх арганізацый і моладзевых груп у Польшчы ды іншых краінах. Галоўная місія Цэнтру — падтрымка развіцця дэмакратычнага і адкрытага грамадства як у Польшчы, так і за яе мяжой.

generation.by