Афіцыйнай падтрымкі правапісу беларускай мовы дагэтуль не існуе ў прадуктах кампаніі Microsoft, аднак энтузіясты здаўна ствараюць альтэрнатыўныя рашэнні. Доўгі час праблемай з’яўлялася адсутнасць такіх распрацовак, якія падтрымліваюць версіі Word 2007 году і пазнейшыя.
Час, калі многія беларускамоўныя карыстальнікі Word вымушана сядзелі на MS Office 2003, падобна, сыходзіць у гісторыю разам з прадуктам pravapis, які падтрымліваў толькі старыя версіі Word 2003 году. Групоўка «Беларускі N-corpus» распрацавала слоўнік, які даступны для вольнага спампоўвання і падтрымлівае версіі MS Office 2007-2013.
«Корпус мае больш за 50 тысяч тэкстаў (~30 млн. словаўжыванняў) мастацкай літаратуры (проза і вершы) і публіцыстыкі з граматычнай разметкай і пашпартызацыяй (аўтар, назва твора і г.д.), — пішуць стваральнікі праекта.
Слоўнік падыходзіць:
- для Microsoft Word версій 2007, 2010, 2013
- для LibreOffice/OpenOffice
- для Mozilla Firefox/Thunderbird
Лексіка-граматычная база і рухавік корпусу распаўсюджваюцца на ўвамовах свабодных ліцэнзій. Аўтары вітаюць любую дапамогу ў сваёй дзейнасці ( прапановы і крытычныя заўвагі, вычытаныя тэксты (з выходнымі звесткамі), дапамога ў зняцці аманіміі і інш).
Спасылка не дзейнічае, так што вось яна ж, але з інтэрнэт-архіва: https://web.archive.org/web/20160315214320/http://bnkorpus.info/nkorpus-grammar.zip . Зрэшты, я так і не здолеў даданне гэтага слоўніка да Ворду.