Некалькі цікавых фактаў з вялікага даследавання каштоўнасцей беларускай моладзі прывёў старшыня «Беларускай асацыяцыі клубаў ЮНЕСКА» Дзмітрый Субцэльны ў часе круглага стала часопіса «Беларуская думка».
Даследаванне па прыкладзе вядомых апытанняў ў краінах ЕС «Еўрабарометр» было зладжанае ў Беларусі. Вынікі, пра якія піша БелТА са словаў Дзмітрыя Субцэльнага, паказваюць, што беларуская моладзь, як і аднагодкі з захаду, на першае месца ставіць пытанне працаўладкавання.
На другім месцы прыярытэтаў ў маладых беларусаў, як і ў моладзі з краін ЕС знаходзіцца якасная адукацыя. Трэцяе месца заняла мабільнасць. Чацвёрты радок ў спісе каштоўнасцей займае самарэалізацыя.
