На Піншчыне ў вёсцы Парэчча, былым уладанні грамадска-палітычнага дзеяча Рамана Скірмунта, плануецца стварыць культурна-турыстычны цэнтр.
Ад уладанняў Скірмунтаў у добрым стане захаваліся толькі гаспадарчыя пабудовы і парк, які асабіста стварыў прэм’ер-міністр БНР.
Размовы аб стварэнні цэнтра вядуцца апошнія тры гады, але сёлета стала вядома, што комплекс у арэнду ўзяло буйное берасцейскае прадпрыемства. Намесніца старшыні Беларускага таварыства экскурсаводаў і гідаў-перакладчыкаў Таццяна Хвагіна адзначае, што цікавым турыстычным аб’ектам з’яўляецца Парэцкі парк:
– Выдатны турыстычны аб’ект – гэта Парэцкі парк. І гэты парк быў закладзены на мяжы 19-20 стагоддзя выбітным чалавекам Раманам Скірмунтам. Гэта быў і прыклад для астатніх, як на берагах ракі Ясельды можна стварыць выдатныя ўмовы для рэкрыяцыі, для адпачынку. Калі б сёння мы гаспадарліва, ашчадна аднесліся да гэтага парку, я думаю, што гэта быў бы вельмі цудоўны куточак.
Пакуль у Парэччы дзейнічае два гісторыка-турыстычныя аб’екты: этна-культурная сядзіба палешука і літаратурна-краязнаўчы музей беларускай пісьменніцы Яўгеніі Янішчыц.
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…
