Беларускі зялёны партал шукае журналістаў для стварэння рэдакцыі ў Брэсце

Запрашаем да супрацы журналістаў з Брэста і вобласці для напісання актуальных мясцовых экалагічных навін.

Калі Вас цікавіць экалагічная тэматыка, ёсць час і імпэт паспрабаваць сябе ў гэтай галіне, творчая каманда Беларускага зялёнага партала прапануе Вам перспектыўнае доўгатэрміновае супрацоўніцтва.

Ад Вас чакаем:

• досьвед журналістскай / рэдактарскай працы;
• навыкі напісання інтэрв’ю, артыкулаў, нататак, кароткіх аператыўных навінаў па прынцыпах інтэрнэт-журналістыкі;
• валоданне пісьмовай і вуснай беларускай і рускай мовамі;
• досыць высокі ўзровень валодання камп’ютарам і офіснымі праграмамі;
• праактыўнасць, хуткасць рэагавання і адказнасць;
• пачуцце гумару вітаецца.

Будзем радыя, калі Вы, як мясцовыя жыхары, самі зможаце прапанаваць тэмы па асвятленню брэсцкіх экапраблем і іх рашэнняў.

Са свайго боку абяцаем:

• павышэнне кваліфікацыі праз удзел у навучальных праграмах;
• магчымасць росту і коўчынг;
• удзел у экалагічных мерапрыемствах і карпаратывах;
• цікавыя івэнты і наведванне семінараў, канферэнцый;
• разнастайную дапамогу і падтрымку;
• дружную творчую каманду.

Свае рэзюмэ, прыклады матэрыялаў і матывацыйны ліст дасылайце на электронную пошту: greenbelarus.editor@gmail.com да 23 красавіка ўключна.

greenbelarus.info