DzeЦікава & Ко

“Ёсць размова”: Асноўныя тэндэнцыі ўнутранай і знешняй палітыкі Беларусі

26 сакавіка АРР “Дзедзіч” запрашае на публічную сустрэчу з менскім палітолагам Андрэем Ляховічам.

13VtSzwSJosШто чакае беларусаў у бліжэйшыя гады? Як будуць развівацца адносіны паміж Беларуссю, Расіяй і Захадам? Паразважаем на гэтыя тэмы разам са спадаром Ляховічам 26 сакавіка ў Берасці.

Удзельнікі бясплатнага мерапрыемства пачуюць прагнозы і даведаюцца, што адбываецца на беларускай палітычнай сцэне на сённяшні дзень. Абмяркуем галоўных герояў, вынікі прэзідэнцкіх выбараў, новыя пасылы і выклікі.

Ці адбылісь за апошні час нейкія станоўчыя змены? Якія сёння стасункі ў Беларусі з Расіяй, Кітаем і заходнімі краінамі? Прыходзьце і даведайцеся пра актуальныя і важныя палітычныя і сацыяналь-эканамічныя моманты. А таксама рыхтуйце свае пытанні, якія хваююць менавіта вас. Будзе цікава і пазнавальна!

А яшчэ арганізатары абяцаюць на сустрэчы сюрпрыз.

Хто: Андрэй Ляховіч, кіраўнік Цэнтра палітычнай адукацыі, выкладчык кафедры паліталогіі юрыдычнага факультэта БДУ.Аўтар шэрагу аналітычных работ, у тым ліку па пытаннях эвалюцыі палітычнай сістэмы, выбарчых кампаній і фарміравання палітычных элітаў у Беларусі.

Што:дыялог на тэму “Асноўныя тэндэнцыі ўнутранай і знешняй палітыкі Беларусі”.

Калі:26 сакавіка, субота, 18:00.

Дзе:Берасце, вул. Маякоўскага 46/1.

Уваход вольны!

Даведка:

“Ёсць Размова” — праект агенцтва рэгіянальнага развіцця “Дзедзіч”, у межах якога адбываюцца сустрэчы з цікавымі людзьмі (эканамістамі, гісторыкамі, падарожнікамі, літаратарамі, музыкантамі) і займальныя лекцыі. Гэтыя бясплатныя мерапрыемствы накіраваны на развіццё інтэлектуальных зносін у Берасці, на фарміраванне ў публікі больш аб’ектыўных поглядаў на гісторыю, культуру, эканоміку Беларусі і павышэнне ўзроўню грамадзянскай актыўнасці.

Пакінуць адказ