Адмысловая праграма ААН для прадстаўнікоў меншасцей запрашае на стажыроўку ў Жэневу.
Праграма складаецца з брыфінгаў на розныя тэмы (сістэма ААН, механізмы і спосабы абароны правоў чалавека). Таксама ўдзельнікі будуць атрымоўваць групавыя і індывідуальныя заданні. Да таго ж яны змогуць паўдзельнічаць у форуме па пытаннях меншасцей.
Сёлета працоўнымі мовамі стажыроўкі будуць ангельская і руская.
Перыяд – 7-25 лістапада 2016 года. Лакацыя – Жэнева, Швейцарыя.
Мэта праграмы – даць шанец прадстаўнікам меншасцей атрымаць веды і навыкі па пытаннях міжнародных правоў чалавека для таго, каб дапамагчы сваёй арганізацыі абараняць і прасоўваць правы чалавека і правы меншасцей.
Патрабаванні да кандыдатаў:
- прыналежнасць да пэўнай рэлігійнай, этнічнай, нацыянальнай, моўнай меншасці;
- магчымасць і жаданне займацца з сябрамі арганізацыі ці групы, да якой яны належаць;
- добрае валоданне ангельскай мовай;
- падтрымка арганізацыі, якую прадстаўляе кандыдат.
Фінансавыя ўмовы
Арганізатары аплочваюць авіяквіткі з роднай краіны ўдзельнікаў у Жэневу, пражыванне, харчаванне і медыцынскае страхаванне.
Неабходныя дакументы:
- запоўненая анкета на рускай альбо ангельскай мове (можна спампаваць на сайце арганізатараў);
- рэкамендацыйны ліст ад арганізацыі, да якой належыць кандыдат.
Заяўку можна дасылаць на е-адрас [email protected] з пазнакай “Application to the 2016 Minorities Fellowship Programme“, па факсе +41 22 917 90 08 альбо на адрас:
Application to the 2016 Minorities Fellowship Programme
Indigenous Peoples and Minorities Section
Office of the High Commissioner for Human Rights
UNOG-OHCHR
CH-1211 Geneva 10
Switzerland.
Дэдлайн – 22 траўня 2016 года.
Падрабязнасці тут (на ангельскай).
Крыніца: adukacyja.info
