Сур’ёзная праграма для матываваных

Грамадская арганізацыя “Моладзевы адукацыйны цэнтр “Фіяльта” запрашае маладых людзей да ўдзелу ў новай праграме “StarToYou”.

Праграма навучыць планаваць і рэалізоўваць уласныя ініцыятывы ў сферах, цікавых для кожнага ўдзельніка: адукацыя, культура, сацыяльны спектр і г.д. Арганізатары дапамогуць прыдумаць унікальную ідэю мерапрыемства ці актыўнасці, спланаваць і паспяхова рэалізаваць яе.

Патрабаванні да кандыдатаў:

• узрост – ад 18 да 30 гадоў;
• жаданне і матывацыя да дзеянняў;
• пошук справы свайго жыцця.

Прапануем вам маленькую інфаграфіку з афіцыйнага сайту.

Тэрмін праграмы – чэрвень 2016 – красавік 2017 года.

Прыблізны таймлайн:

• чэрвень-верасень – адукацыйныя трэнінгі, майстар-класы (2 сустрэчы на месяц);
• кастрычнік-снежань – распрацоўка і рэалізацыя ўласных ідэй ды ініцыятыў у суправаджэнні ментараў;
• студзень-люты – падрыхтоўка і планаванне фінальнага мерапрыемства;
• сакавік – выніковае мерапрыемства;
• падсумаванне вынікаў, ацэнка праграмы.

Фінансавыя ўмовы

Удзел у праграме бясплатны. Арганізатары кампенсуюць дарожныя кошты і выдаткі, звязаныя з харчаваннем і пражываннем.

Запоўніць заяўку можна па спасылцы.

Дэдлайн – 1 чэрвеня 2016 года.

Пытанні можна задаваць на е-адрас startoyou.fialta@gmail.com.

Крыніца: adukacyja.info