Апублікаванае новае выданьне Асамблеі НДА “Як напісаць пасьпяховы праект. Практычны дапаможнік для пачаткоўцаў”.
Выданьне разьлічана на пачаткоўцаў у галіне пошуку фінансаваньня. Шматлікія важныя пытаньні (скразныя каштоўнасьці праектаў, лягічна-структурны падыход, гендэрны падыход і г.д.) тут не разглядаюцца. Аднак, засвоіўшы матэрыял, можна навучыцца пісаць удалыя заяўкі і пасьпяхова працаваць з фондамі з аб’ёмам фінансаваньня, адпаведным пачатковаму ўзроўню арганізацыі ў галіне фандрэйзінгу.
Над выданьнем працаваў Уладзімер Красько, выкладчык фізыкі ды інфарматыкі, экспэрт і кансультант па арганізацыйным разьвіцьці, трэнэр Асамблеі НДА, кансультант па напісаньні праектаў праграмы “Дом узаемапаразуменьня”.
Брашура “Як напісаць пасьпяховы праект. Практычны дапаможнік для пачаткоўцаў” паўстала па выніках трэнінгу “Ад ідэі да праекту: мэтады плянаваньня праектнай дзейнасьці”.
Спампаваць выданьне “Як напісаць пасьпяховы праект. Практычны дапаможнік для пачаткоўцаў” цалкам.
