На прыбудове лютэранскай кірхі ў Горадні ўсталявалі сонечныя батарэі.
Паводле пастара Ўладзімера Татарнікава, праект усталяваньня сонечных батарэй для сілкаваньня храма яны перанялі ад сваіх партнэраў у Нямеччыне.
— Наша царква ўжо два гады займаецца пытаньнямі ўстойлівага разьвіцьця ў галіне экалёгіі. І гэта адзін з кірункаў ідэалёгіі нашай лютэранскай царквы — выкарыстоўваць энэргію, створаную Усявышнім. На працягу двух гадоў мы замянілі ўсе лямпачкі на энэргазьберагальныя і прыйшлі да высновы, што варта паставіць сонечныя батарэі.
Пастар лютэранскай царквы ў Горадні Ўладзімер Татарнікаў
Пастар Татарнікаў кажа, што гэта толькі пілётны праект, каб спраўдзіць, наколькі эфэктыўна гэта можа працаваць. Менавіта таму ўсталяваны пакуль толькі чатыры батарэі.
— Сродкі на набыцьцё і ўсталяваньне батарэй мы зьбіралі падчас арганных канцэртаў, яшчэ нам дапамаглі партнэры з Нямеччыны. У нашых плянах зрабіць цалкам падсьветку храма на аснове альтэрнатыўнай энэргіі.
Гэтыя чатыры батарэі, паводле пастара Татарнікава, змогуць даваць 150 кВт энэргіі за месяц, а ў сонечны пэрыяд і болей. А цяпер штомесяц на патрэбы кірхі ідзе 260 кВт.
Вядома, што ў Беларусі ўжо больш як 450 аб’ектаў, якія сілкуюцца ад альтэрнатыўнай энэргіі, але лютэранская кірха ў Горадні стала ў гэтым сьпісе першым храмам з сонечнымі батарэямі. Дарэчы, гарадзенская лютэранская кірха — адзіная дзейная ў Беларусі.
Павел Феранец, ці Ferenc, – ідэальны суразмоўца. Дамаўляемся пра сустрэчу – адразу падбіраем зручны для…
Гэты новы дом у цэнтральнай часцы горада на вуліцы Гогаля здаваўся ідэальным, калі тут набывалі…
Ідэальны адпачынак – гэта час, праведзены сярод тых, хто з табой на адной хвалі. У…
Чалавек сам стварае сваё наваколле. Да такой высновы аднойчы прыйшлі жыхары сціплага пяціпавярховага дома ў…
Існуе меркаванне, што Берасце – нецікавы горад, у якім няма куды схадзіць, але насамрэч гэта…
Для кожнага з нас словы “макіяж”, “фрызура”, “фотаздымкі” значаць нешта сваё. Для некага гэта частка…