20 ліпеня пройдзе першы вулічны «Мадэрнісцкі шпацыр». Гэта цыкл вулічных сустрэч пра брэсцкую архітэктуру 30-х гг., пабудаванай у стылі мадэрнізм, пра яе гісторыю і стан сёння. Арганізатар шпацыраў – валанцёрскі праект «Брэсцкі канструктывізм».
«Мадэрнісцкія шпацыры» гэта не экскурсіі, а дыскусійныя сустрэчы для тых, хто зацікаўлены «брэсцкім канструктывізмам». Фармат сустрэчы ўяўляе сабою шпацыр падчас якой удзельнікі пагутараць на тэму гісторыі брэсцкай мадэрнісцкай архітэктуры, падзеляцца асабістымі гісторыямі і абмяркуюць як захаваць падобную спадчыну.
Для тых, хто хацеў бы папрактыкавацца ў інвентарызацыі брэсцкай гісторыі будзе прапанавана хатняе заданне.
Калі вы хочаце трапіць на «Мадэрнісцкі шпацыр» трэба зарэгістравацца https://goo.gl/forms/Ptoy4efLFT3Tz7Yi2.
Колькасць месцаў абмежавана, але гэта толькі першая сустрэча з цыкла. Пра наступныя сустрэчы будзе паведамлена дадаткова.
Старт: 20 ліпеня (пятніца) у 18:30. Месца збору будзе паведамлена ўдзельнікам якія зарэгістраваліся дадаткова.
Бярыце з сабой парасоны, каву і гісторыі пра брэсцкія дамы.
Пытанні можна задаць на [email protected].
