Агенцтва рэгіянальнага развіцця “Дзедзіч” запрашае актывістаў і валанцёраў грамадскіх арганізацый, усіх, хто дапамагае развіваць грамадзянскую супольнасць на Берасцейшчыне, прыняць удзел у прэміі “Грамадскі пікнік”, якая пройдзе на пляцоўцы АРР “Дзедзіч” (Маякоўскага, 46/1) 6 ліпеня.
Прэмія будзе ўручана ў 15 намінацыях. Гэта будуць як і асобныя актывісты і актывісткі з НДА Берасцейскай вобласці, так і праекты ці падзеі, якія былі рэалізаваны на тэрыторыі Берасцейшчыны.
Пачатак мерапрыемства ў 17.00. Dress code: пікніковы, у яркіх колерах. Будзе арганізаваны фуршэт. Каб узяць удзел у імпрэзе, дастаткова запоўніць форму.
“Грамадскі пікнік” – гэта пляцоўка для таго, каб кожны прадстаўнік грамадскага сектару меў магчымасць выказаць падзяку сваім партнёрам, сябрам, тым, без каго праца ў сферы НДА была б не такой яркай і цікавай, тым людзям, якія робяць Берасце і Берасцейскую вобласць прываблівымі і ўнікальнымі. Удзел у “Грамадскі пікніку” бясплатны, дастаткова запоўніць рэгістрацыйную форму.
Па ўсіх пытаннях можна пісаць на пошту: dzedzich.video@gmail.com ці тэлефанаваць па нумары: 80298010147.
“Грамадскі пікнік” ладзіць АРР “Дзедзіч” сумесна з Офісам еўрапейскай экспертызы і камунікацыі, CityDog.by, vitebsk4.me, часопісам “Бінокль” і “Рэгіянальнай газетай”.
