Кампанія “Будзьма беларусамі!” запрашае на ток-шоў “Стасункі ў кібер-прасторы: правілы паводзінаў”, каб разам абмеркаваць і паспрабаваць знайсці адказы на пытанні:
👉🏻 што такое digital-гігіена?
👉🏻 як пазбегнуць кібер-булінгу?
👉🏻 якія асноўныя правілы ўласнай бяспекі?
Спецыяльныя госці ток-шоў:
– Марына Сосніна (псіхолаг-практык, выпускніца міжнароднага курсу “Як перадухіліць гвалт і кібер-булінг ва ўстановах адукацыі”; трэнерка па міжнароднай адукацыйнай праграме “Жыццёвыя навыкі і працаўладкаванне: трэнінгі для моладзі”)
– Віталь Каратыш (заснавальнік і каардынатар некамерцыйнага праекта па развіццю крытычнага мыслення і супрацьстаяння фэйкам, кіраўнік аддзела сацыялагічных даследаванняў у лабалаторыі “НОВАК”)
Да ўдзелу запрашаюцца падлеткі, бацькі, настаўнікі і ўсе, хто мае жаданне навучыцца правільнай і бяспечнай камунікацыі ў сеціве.
Ток-шоў “Стасункі ў кібер-прасторы: правілы паводзінаў” адбудзецца 7 снежня ў АРР “Дзедзіч”.
Пачатак у 12-00. Уваход вольны, але патрабуецца папярэдняя рэгістрацыя па спасылцы.
Ток-шоў ладзіць грамадская кампанія Будзьма Беларусамі! у межах праекта “Маё права”.
Калі: 7 снежня, пачатак а 12-й.
Падрабязнасці па спасылцы.
