Сезон пешаходных экскурсій у Брэсце адкрыты. 5 красавіка у рамках праекта Мейсца, мы прагуляліся па непапулярных лакацыях ў цэнтры горада.
Гід Вольга Малафеечева правяла экскурсію па дварах царскага і польскага перыядаў канца 19 і пачатку 20 стст.
Ведаеце, дзе знаходзіцца будынак банка «Дабрабыт» побач са скверам Іконнікава? Гэтая пабудова належала элітнаму польскаму чыноўніку. Дом быў афарбаваны ў белы колер, а дах у чырвоны – колеры польскага сцяга. Будынкі па вуліцы Леніна 100 гадоў таму выконвалі тую ж функцыю, што і цяпер: там сядзелі чыноўнікі, былі банкі і адміністрацыя. Побач з вядомым цагляным домам на Карла Маркса ёсць пабудова з блакітным фасадам – гэта дом, які належаў яўрэйскай дэпутату. У канцы 19 стагоддзя сябра Польскай рады арганізаваў у сваіх уладаннях габрэйскую школу для дзяцей. Цяпер адна з 8-мі кватэр у гэтым доме прадаецца.
З сумных навінаў: у вядомым двары лекара Ар’е Бягуна (на вуліцы Плошча Свабоды), дзе яшчэ захаваліся цэглы 1896 года з адбіткамі завода, на якім яна выраблялася, часткова спілавалі вельмі рэдкае для Беларусі дрэва «шаўкоўніцы», якое расце ў цёплым клімаце.
Падчас экскурсіі ў старых дворыках мы сустрэлі двух старажыл, 7 катоў і вельмі шмат элементаў мінулага стагоддзя: надпісы на мове ідыш (габрэйскі мову), аўтэнтычныя балконы і калоны, прарэзы для калёс на фасадах будынкаў і тд.
Калі вы яшчэ не бачылі старадаўніх брэсцкіх панадворкаў, то вось вам наводка ад гіда: зазірайце ў двары дамоў на вуліцах Камуністычная, Карла Маркса, Савецкіх памежнікаў, Будзёнага, Плошча свабоды, 17 верасня, і, вядома, Савецкая.
Арганізатар праекта “Мейсца” – Культурна-асветніцкая ўстанова “Брэсцкі Аазіс”. Інфармацыйная і метадычная падтрымка: “Агенцтва рэгіянальнага развіцця” Дзедзіч “.
