«Ёсць такое цвёрдае правіла. Устаў раніцай, умыўся, і адразу ж прывядзі ў парадак сваю планету» – Яўген, заўзятар аматарскай рыбалкі зрабіў гэта свамі правілам. Так, гэта вялікая асалода, раніцай, яшчэ да ўсходу сонца прыйсці на ўлюбёнае месца, раскласці рыбалоўныя прылады, сесці і правесці некалькі гадзін у поўным яднанні з прыродай.
Але…
Але спачатку Яўген прыводзіць у парадак планету. Дакладней малую яе частку, бераг ракі. І здымае пра гэта ролікі для YouTube.
– Ідэя маіх відэа простая, – распавядае Яўген. – Я пачаў здымаць сваю рыбалку для пачаткоўцаў. І мая мэта паказаць людзям, што калі ты выходзіш на прыроду, то трэба яе берагчы. Таму перш чым пачаць рыбную лоўлю, я заўсёды збіраю смецце, пакінутае іншымі рыбакамі на беразе вадаёма. Ёсць такое паняцце, як культура рыбацтва. Калі я вылоўліваю трохі больш, чым мне трэба, то заўсёды выпускаю лішкі ў вадаём. А калі да нас прыбіваецца коцік, магу пачаставаць яго свежай рыбай. Мне б хацелася каб кожны аматар рыбнай лоўлі разумеў гэтыя простыя правілы – культура пачынаецца з сябе, а не з фразы: “Гэта не я зрабіў!”
Каналу “Ангалюк на вадзе” ўжо некалькі гадоў, але толькі апошнім часам Яўген аформіў відэа ў адным стылі, зрабіў разбіўку роліка па падтэмах, каб было зручна глядзець. Для аматараў гэтыя сюжэты – своеасаблівы лікбез у вобласці рыбацтва. Людзі, далёкія ад гэтай сферы, могуць паглядзець якасную карцінку з добрым гукам. Найбольш папулярныя з іх набралі больш за 10 тысяч праглядаў.
Быў перыяд, калі Яўген браў удзел у спаборніцтвах. Праходзілі яны так: бераг ракі падзяляўся на сектары, пяць гадзінаў удзельнікі лавілі рыбу, а перамога даставалася таму, хто налавіў больш за ўсё па вазе. Cектар жа вылучаўся праз лёсаванне. Пра спаборніцтвы таксама ёсць некалькі ролікаў.
Але сёння спаборніцтва Яўгена не вельмі цікавяць. Таксама як і рэкорды. Самы вялікі ўлоў у яго жыцці здарыўся некалькі год таму – на вуду патрапіўся велізарны сом вагой 14 кілаграмаў. Гэта здарылася на возеры Сіпурка недалёка ад Белавежскай пушчы. Яўген дадае, што вудзіць рыбу на дзікім вадаёме і спецыялізаваным – дзве вялікія розніцы. У апошнім рыба сама ідзе да цябе. Але ж толькі ў прыродных умовах можна злавіць сапраўдны кайф ад рыбалкі.
– Я намагаюся хадзіць на рыбалку 1-2 разы на тыдзень. Гэта добрая магчымасць не думаць ні аб чым. Рыбалка – добрае хобі для псіхалагічнай разрадкі. Але ж фізічна яна вельмі выматвае. Можа, гэта як раз тое, што трэба ў сучасных абставінах?
Па жыцці Яўген працуе фатографам і відэаографам. Так што канцэпцыя праекту – гэта сумесь яго хобі і працы. Была ідэя паказаць рыбалоўніцтва на аматарскам узроўні, каб кожны зразумеў, што гэта даволі проста.
Спыняцца Яўген не збіраецца. Літаральна надоечы плэйліст папоўніўся новым відэа. Канал абнаўляецца амаль штотыднёва. Гэта значыць, аматары рыбалкі атрымаюць яшчэ шмат лайфхакаў пра тое, як культурна адпачываць на беразе ракі.
Падписвайцеся на канал Яўгена.
А таксама на старонку ў інстаграм.
У свеце фатаграфіі ёсць мноства таленавітых людзей, чые працы знаходзяць адлюстраванне ў сэрцах гледачоў і…
У свеце мастацтва музыка займае асаблівае месца, з'яўляючыся ўніверсальнай мовай, здольнай перадаваць пачуцці і ідэі,…
На свеце шмат людзей маюць хобі. Нехта займаецца ім у вольны час, па выходным, для…
Urban Lab 11 – гэта супольнасць актыўных студэнтаў-урбанолагаў БрДУ імя А.С. Пушкіна, якая актыўна займаецца…
На сённяшні дзень тэма здароўя з’яўляецца вельмі важнай для грамадства, асабліва ў перыяд распаўсюджання сезонных…
Дзень нараджэння… Для кожнага з нас гэта нешта сваё, асаблівае і непаўторнае. Для многіх гэтае…