Усё нестабільна, у жыцці стрэс
Але сталасць тонка:
У нас ёсць кава на вагу
Ад гэтага спакойна.
Бразіленья адчыніла свае дзверы 30 снежня 2016 года. За 7 з гакам гадоў яна разраслася да трох кропак, на знакамітай Гогаля 11, на Усходзе і ў Цэльсіі. І нягледзячы на тое, што ў Берасцi ў цэлым з кавай і кавярнямі ўсё больш-менш добра, Бразіленья стаіць асобкам. Менавіта гэтую кавярню называюць калі кажуць, дзе самая смачная кава.
І сёння гэта не толькі з смачная кава, і нават не самая смачныя брэсцкія прысмакі. У Бразіленні ёсць свая асаблівая непаўторная атмасфера – атмасфера камернасці, утульнасці, і аўтэнтычнасці. Тут ёсць нешта зачаравальнае і вельмі сваё ў інтэр’еры. Ёсць адмысловы настрой на самасць і якасць без бляску і вычварнасці. Тут не столькі ўтульны інтэр’ер, колькі ўтульна самое па сабе.
Водгук ад госця:
Выдатная кава! Я нідзе не бачыў такой чаргі за каву як у гэтай кавярні. І гэта таму, што кава тут падабаецца ўсім! Выпечка таксама цудоўная! Кекс з грэцкімі арэхамі, паліты шакаладам, гэта – шэдэўр!
Пры гэтым самі ўладальнікі не выдаюць сакрэтаў свайго поспеху, а толькі ўсміхаюцца і гавораць, што яны робяць, не расказваючы, як. Але чытачоў не падманеш, мы ж з вамі ведаем адказ. Проста сумленна і добра рабіць сваю працу, любіць яе і імкнуцца зрабіць крышачку лепш.
Выклікаць на размову ўсіх арганізатараў кавярні не ўдалося. Яны, як аказалася, людзі больш чым сціплыя і не моцна жадаюць пра сябе расказваць. Таму, прыкрыем заслону таямніцы, паразмаўляўшы толькі з адной з трох заснавальнікаў выдатнай брэсцкай славутасці, – Кацярынай. Яна адна адказвала за ўсіх трох.
Славутую краму-кавярню Бразіленья прыдумалі і стварылі трое, Ала, Каця і Андрэй. І пачыналася ўсё з ідэі кававай крамы. Паколькі да гэтага Ала займалася пастаўкамі кавы кампаніі Brasilena з Іспаніі, то ідэя была адкрыць краму продажу кавы. Але такую краму, дзе можна было гэтую каву прадэгуставаць. Прыдумана – зроблена. І напярэдадні новага, 2017 года новая кропка з’явілася на мапе Брэста па адрасе Гогаля, 11. І над назвай не моцна разважалі. Кава кампаніі Brasilena – тое, што трэба!
Водгук ад госця:
Найсмачнейшы халвічны раф у маім жыцці! Карычныя вузельчыкі сапраўды карычныя, карыцы там ад душы. І ўвогуле вельмі мілая ўстанова, асабліва прыемна пасядзець на вуліцы. Усіх знаёмых ужо цягну туды, на каву або боскае какава. Кошты не кусаюцца. Тут наогул бывае, што няма чаргі?))
Кававая крама пачала працаваць, і спатрэбілася паўгода, каб зразумець, берасцейцам трэба нешта большае. Спачатку, пакуль месца мала хто ведаў, наведвальнікаў было не шмат, а зносін – вельмі. І людзі сталі прыходзіць, ім хацелася не столькі набыць каву, колькі яе пакаштаваць і пагутарыць. І таму, першым прыстасавалі падваконнік пад імправізаваны столік. Потым прыкупілі крэслы. А бліжэй да лета сталі зазірацца на пляцоўку перад уваходам. Так месяц за месяцам маленькая кававая крамка стала ўтульнай кавярняй з назвай Brasilena.
Праўда, назву брастаўчане прамаўляюць па-рознаму. Меншая частка называе кафэ Бразіленья, часцей гэта Бразілена, Бразільена ці нават Бразілька.
Водгук ад госця:
Неверагодна атмасфернае месца з вельмі хуткім сэрвісам, пастаяннай чаргой з-за якасці кавы і вар’яцка смачнай выпечкі – тут сапраўды ўсё кіпіць насычаным жыццём і сыходзячы ты абавязкова прыгадаеш гэтае месца і тыя адчуванні, якія яно выклікае!
Калі крама стала кавярняй паўстала пытанне з выпечкай. Спачатку куплялі, дзе маглі. Гэта былі дэсерты з Перфекта, Інтурыста, прыватных кандытараў. Неяк да нас прыйшла дзяўчына аднаго з нашых барыста, Кірыла. Яна прынесла з сабой макаронсы ўласнага вырабу. Тады мы не ведалі, што да нас прыйшоў наш будучы кандытар, Лена, якая стварае ачмуральную выпечку і дэсерты, і нам і ўсім берасцейцам на радасць.
Па адукацыі, выкладчыца нямецкай, па прызванні, кандытар, Лена пачала рыхтаваць дэсерты яшчэ ў школе, студэнткай ужо прымала першыя прыватныя замовы, а пасля атрымання дыплома стала прафесійна займацца менавіта вырабамі салодкіх дэсертаў.
Больш за ўсё ў працы прываблівае магчымасць развівацца і спрабаваць нешта новае. Каб распрацаваць новы арыгінальны рэцэпт, спачатку трэба ў яго улюбіцца, прызнаецца Лена. І ўлюбляецца, пакуль на гарызонце не з’явіцца новы дэсерт і новая улюбёнасць. Другі абавязковы складнік ідэальнага рэцэпту – якасныя інгрэдыенты, усё павінна быць свежым і натуральным.
Спачатку Лена працавала адна, прыдумляла дэсерты і ставіла іх на паток. Цяпер у кавярні працуе 5 кандытараў і гэта не мяжа. Нарэшце большая частка каманды да прыходу ў кавярню ніколі не займалася выпечкай: Лена ўсяму навучала. Цяпер яны ўсе сапраўдныя майстры кулінарнай справы, і ўжо самі вучаць новых супрацоўнікаў.
Усё пачыналася з макаронс!
Наша хатняя какосавая паста, французскі белы шакалад, чалябінская міндальная мука, каліфарнійскі міндаль сабраліся разам у какосавых макаронс на нашай вітрыне! На пару з іспанскай кавай атрымліваецца гісторыя пра ідэальную раніцу.
Сёння кавярня Бразіленья – гэта каманда з сарака чалавек. Людзі прыходзяць і надоўга тут застаюцца. Пры гэтым можна прыйсці барыстай, а потым працаваць мэнэджарам па smm ці яшчэ кімсьці. Каманда першай спрабуе і абмяркоўвае навінкі, можа прапанаваць нешта сваё. А калі нехта з наведвальнікаў прыходзіць з ініцыятывай і прапануе прыняць удзел ў цікавым праекце – бразіленцы могуць дапамагчы. Як дапамагалі з арганізацыяй хакатона ці шахматнага турніру.
І сёння гэта кафэ і кава, якія расказваюць пра нас больш за ўсё астатняе. Мы любім забягаць у гэтую кавярню за чакана высокай якасцю кавы, за цудоўна смачнымі дэсертамі, за ўсмешку вельмі дэмакратычных барыста, за спакойную, не вычварную атмасферу. Хочацца прыходзіць у Бразіленню, таму што яна вельмі падобная да нас – адкрытая, усмешлівая і сапраўдная.
Водгук ад госця:
Цудоўны кава і фантастычна смачныя тварожныя кольцы! Лепшая кава ў горадзе! Лепшае пацвярджэнне – вялікая колькасць пакупнікоў заўсёды.
І каманда кавярні, і яе наведвальнікі падбіраюцца пад стаць месцу: цікавыя, адкрытыя і прыязныя. У «Бразіленне» усё нібы кажа: «тут ты можаш быць сабой, усё цябе прымуць і ні завошта не асудзяць. Тут цябе любяць такім, які ты ёсць».
Нам здаецца, што місія Бразіленні – паказаць людзям, што яны вартыя самага лепшага, якасных, смачных дэсертаў і выдатнай кавы.
Згодны?
- Спасылка на instagram-старонку Brasilena.
- Выпуск падкаста “Нету места” з Ленай (ex-кондитер кофейни Brasilena).
