Малюнкі памяці Уладзіміра Чарнышова

Штрыхі складаюць вобраз і настрой. На палотнах людзі, якіх мы не ведаем, але нешта заёмае ёсць у гэтых вобразах. 22 лістапада ў Мастацкім музеі адчынілася выстава вядомага жывапісца Уладзіміра Чарнышова.

Ён нарадзіўся ў Пензенскай вобласці, скончыў там мастацкае вучылішча, а потым легендарны Усерасійскій Дзяржаўны інстытут кінематаграфіі. Але ўсё сталае жыццё было звязана з Беларусью. Тут Уладзімір Фёдаравіч быў мастаком пастаноўчыкам фільмаў і спектаклей. Менавіта яго рукі стваралі сцэнаграфію “Раскіданага гнязда” паводле Янкі Купалы ў Начыянальным акадэмічным тэатры імя М.Горкага ў Мінску. Ён быў мастаком ленты 1981 года “Дачка камандзіра”, здымкі каторага праходзілі ў Берасці.

Паралельна з работай ў тэатры і кіно, ствараліся мастацкія цыклы. У Берасце прыехаў адзін з іх – “Палітра памяці”. Кранальная серыя, што знойдзе водгук у кожнага. Наша памяць нагадвае не прамую лінію, а штрышкі. Адныя абставіны запамінаюцца лепей, іншыя выкрэсліваюцца з галавы надоўга. Тэхніка, у якой працуе Уладзімір Чарнышоў нагадвае гэтыя штрыхі.

Снежная зіма, вочы матулі, рукі дзеда, вобразы знакамітасцей, з якімі лёс зводзіў мастака – усё гэта знайшло атражэнне ў 65 палотнах. Тут партрэты, эскізы да фільмаў, работы, прысвечаныя героям Брэстскай крэпасці. Колер і тэхніка нагадваюць работы Ван Гога, але настрой у іх трошкі іншы – настальгічны.

На адкрыццё завіталі знакамітыя берсцейскія мастакі Леў Алімаў і Мікалай Кузьміч.

Выстава праводзіцца пры падтрымцы праекта “Музеі Беларусі разам з Белкарт”. Наведацьяе можна да 11 снежня.

---

Падпісвайцеся на старонку мастацкага музея.