Вялікае свята для ўсіх, хто мае сваю другую палову і хоча зрабіць ёй ці яму што-небудзь прыемнае. Свята, што прыйшло да нас з даўняй даўніны ў выглядзе маленькіх вялянцінак.
Пра гэтае свята мабыць ужо ўсе ўсё ведаюць. Яго легенда ды гісторыя вядома ўсім і кожнаму, таму сёння пазнаёмім вас з некаторымі цікавымі фактамі, звязанымі з гэтым днём.
1. У 1537 годзе кароль Англіі Генрых VIII выдаў указ, зрабіўшы дзень святога Валянціна дзяржаўным святам.
2. Самы папулярны падарунак да Дня ўсіх закаханых – гэта шакаладныя цукеркі ў форме сэрца.
3. Кожны год па ўсім свеце дораць больш 50 мільёнаў руж.
4. Штогод, 14 лютага, у Верону (горад, дзе жылі героі трагедыі Шэкспіра, Рамэо і Джульета), прыходзіць больш за 1000 лістоў, адрасаваных Джульеце.
5. 9 000 000 людзей у ЗША дораць валянцінкі сваім хатнім жывёлам.
6. 85% усіх валянцінак скупляюць жанчыны.
7. Аляксандр Г. Бэл падаў заяўку на патэнт на тэлефон, які ён назваў «удасканаленым тэлеграфам», у Дзень Святога Валянціна ў 1876.
8. 73% людзей, якія купляюць кветкі на Дзень усіх закаханых – мужчыны, і 27% – жанчыны.
9. У гэты дзень, як ні дзіўна, рамантыка на апошнім месцы. Хоць і прынята лічыць, што шчодрыя падарункі ў гэты дзень выкліканы каханнем ці пачуццямі блізкімі да яго, але даследаванні паказалі, што самыя дарагія падарункі дораць настаўнікам, дзецям, мамам, і толькі потым каханым.
10. Больш за ўсё прэзерватываў прадаецца ў Дзень Святога Валянціна. Адна з кампаній вытворцаў падлічыла, што ў гэты дзень попыт на дадзены тавар вырастае на 25%. Аднак, тэсты на цяжарнасць часцей за ўсё купляюць у сакавіку. Усё ж такі Дзень Закаханых са сваім рамантычным настроем дае пра сябе ведаць.
Фота: generation.by
