На Новы год едзем ў Польшчу

“Дзедзіч” запрашае актыўную і свядомую моладзь Берасця па шматгадовай традыцыі адзначыць Новы год у польскім мястэчку Насутаў, што знаходзіцца недалёка ад горада Люблін.

З 27 снежня па 5 студзеня ў Доме сустрэч фундацыі “Новы Стаў” будзе праходзіць падрыхтоўка і святкаванне інтэрнацыянальнага Новага году.

Умовы ўдзелу:

• добрае валоданне беларускай і пажадана ангельскай моваў;
• розум і крэатыўнае мышленне;
• камунікабельнасць і жаданне пазнаёміцца з моладдзю з іншых краін Еўропы;

З Берасця група будзе складацца з 15 чалавек, якая павінна будзе падрыхтаваць прэзентацыю нашай краіны ў выглядзе танцаў, спеваў, традыцыйных беларускіх страваў.

Заяўкі да 12 снежня прымаем на паштовую скрыню: [email protected]

У заяўцы пазначайце:

• імя і прозвішча;
• узрост;
• навучальную установу і факультэт;
• чаму хочаце паехаць (5-10 сказаў);
• кантакты: тэлефон, скайп, e-mail.

Вось у гэтым чароўным доме кожны год збіраецца моладзь з розных краін Еўропы, каб разам адзначыць Новы год.