Захід-2013!

Фестываль Захід – гэта адзін з маштабных і стромкіх музычных фестываляў Украіны. Ён праводзіцца з 2009 года, і я не сумняваюся, што з кожным годам усё лепш і лепш. У гэтым годзе фэст праходзіў з 16 па 18 жніўня. Я ездзіла першы раз і мне надзвычай спадабалася.

На фестывалі было 3 сцэны і рынак “hand made”, акрамя гэтага было велізарная колькасць намётаў, дзе рыхтавалі ежу. Уся канцэртная праграма пачыналася з 17.00 і доўжылася да позняй ночы. На фестывалі было каля 20 000 чалавек, ўсе 3 дні на фэсце ніхто не спаў , усе весяліліся ад душы.

На фестывалі выступалі: Ляпіс Трубяцкой, Rocky Leon, Воплі Відоплясова, Скрабін, O.Torvald, Тостар, Бумбокс, Zdob Si Zdub, Фліт, Сяргей Жадан і Сабакі ў Космасе, Stoned Jesus, Viter, Noize MC, Далай Лама, Серцевий Напад, Alina Orlova, The Retuses, Los Colorados, Скураны Алень, Адыс Абеба і іншыя. Усяго на фестывалі выступіла больш за 50 гуртоў на 3 сцэнах (поўны спіс).

У першы дзень фестывалю дзеялася блытаніна – чарга ў некалькі тысяч чалавек, якая як вы разумееце, рухалася з чарапашай хуткасцю і гэта доўжылася з 9.00 утра да 17.00 вечара.

У першы дзень самую вялікую аўдыторыю сабраў Noize МС, падчас яго выступу пыл (пясок з зямлі) падняўся вышэй натоўпу, дыхаць было вельмі цяжка. Пасля чаго ў наступныя дні поле перад галоўнай сцэнай палівалі вадой з шланга. На арт сцэне выступалі Тельнюк: Сёстры, немая карціна, якая прымусіла праслязіцца шмат каго ў зале.

На другі дзень мы пайшлі гуляць па рынку “hand made” – купіць сувеніраў. Там жа малявалі хной па целе і мы захацелі зрабіць сабе такія часовыя тату. Калі мы вырашылі паабедаць, то былі прыемна ўражаныя велізарным выбарам ежы, якая рыхтавалася ў чанах і ў казанах, усё было вельмі смачна і не дорага. Датычна душаў і рукамыйніц можна сказаць толькі адно – ЖЭСЦЬ. Вада ледзяная, каб прыняць душ трэба адстаяць чаргу ў 20-30 чалавек.

На галоўнай сцэне галоўнымі героямі вечара былі Бумбокс і Воплі Відоплясова, на малой The Retuses і Адыс Абеба.

На трэці дзень усе з нецярпеннем чакалі вечару, бо павінен быў выступаць Ляпіс Трубяцкой. Днём выступала Alina Orlova – выступіла яна з бляскам, выдатнае выкананне песень і гранне на сінтэзатары. Але нарэшце надыйшоў і вечар, і мы пайшлі на Ляпіса Трубяцкога … Гэта было незабыўна! Спачатку ўсе проста танцавалі і, натуральна, падпявалі, потым хтосьці падкінуў адну дзяўчыну і натоўп пачаў несці яе на руках, а потым яшчэ адну і яшчэ адну… і тут мае знаёмыя вырашылі і мяне падкінуць – гэта было страшна!!!

Пасля канцэрту ніхто не хацеў разыходзіцца, а ўжо тым больш з’язджаць. Раніцай наступнага дня ўсе сталі збірацца на электрычку, і ад гэтага было сумна. Я не ведаю як, але за тры дні усе надзвычайна пасябравалі і прывыклі адзін да аднаго.

Фестываль Захід-2013 прайшоў на УРА!

Што тычыцца некаторых арганізацыйных пытанняў, то можна адзначыць, што нажаль было не ўсё, што агаворвалася на сайце, аднак, спадзяемся, у наступным годзе ўсе праблемы выправяць.