Канцэрт Вока Чарота

🤟🤟🤟 2 лістапада – Вока Чарота на сцэне Брэсцкага Акадэмічнага Тэатра Драмы з новай праграмай да свята дзядоў “Праз цемру ў вырай”! 💚

✨ Расплюшчыць вочы і не зразумець дзе знаходзішся. Гэта падобна да дзіўнай мроі, якая паступова пераўтвараецца ў кашмар. Цемра вакол наступае, цягне да цябе каржакаватыя лапы, прарастае ўнутры.

…А недзе ў іншым свеце – ноч засталася за дзвярыма. Там цёпла і утульна. Сям’я рыхтуе вячэру, накрываюць стол і спяваюць песні. Там сустракаюць свята Дзядоў.

Ці магчыма патрапіць з аднаго свету ў іншы? ✨

🌒 Дзяды – традыцыйнае свята памінання продкаў на Беларусі. Лічылася, што ў гэты дзень мёртвыя прыходзілі да жывых – вячэраць. Трэба накрыць багаты стол ды запрасіць усіх продкаў па імёнах. Потым забаўляць ды шанаваць дзядоў, дзяліцца ежай.

“Праз цемру ў вырай” – гэта канцэрт сярэднявечнага року, прысвечаны святу Дзяды. У першай частцы вас чакае тэатральная імпрэза пад жывы гук з акторамі, тэатрам танца POSTSCRIPTUM і перфомансам ад REY SHOW.

У другой частцы вы пачуеце, што будзе, калі аб’яднаць сучасную рок-музыку, сярэднявечныя інструменты і сюжэты містычных паданняў. Усё гэта – музыка гурта Вока Чарота.

~~

2 лістапада, 2024
Берасце, БАДТ, Леніна 21
25-30 BYN
16+
Квіткі ў касе тэатра, на kvitki.by, а таксама ў распаўсюджвальнікаў
Падрабязнасці на сайце тэатра і @brestdramatheatre