Аляксандр Лукашэнка жадае атрымліваць «Жэстачайшае спагнанне з вучняў і бацькоў за адукацыю», як тое, на яго думку, было ў савецкія часы. Таксама кіраўнік дзяржавы заявіў, што рэктары беларускіх ВНУ займаюцца разбоем, а адна з галоўных задач універсытэтаў — зрабіць так, каб «студэнтам не было часу хадзіць па вуліцах».
«Паставіць на ўзровень савецкіх часоў, калі было ‘жэстачайшае’ спагнанне з навучэнца, з бацькоў за адукацыю і выхаванне дзяцей у школе», — так парэкамэндаваў змяніць адукацыйную палітыку двум міністрам адукацыі: былому і цяперашняму — кіраўнік дзяржавы на сустрэчы з Сяргеем Маскевічам і Аляксандрам Радзьковым.
У адказ на гэты першы намесьнік адміністрацыі прэзыдэнта Аляксандр Радзькоў сказаў, што ў адукацыя ў нас — «еўрапейскага ўзроўню», таму «часам цяжка ўтрымаць выпускнікоў, паколькі попыт на іх высокі і ў іншых краінах».
Паводле слоў кіраўніка дзяржавы, праблем з высокім коштам на беларускую адукацыю няма, затое ёсць рэктары-«разбойнікі», якія ўводзяць дадатковыя аплаты «не вядома за што».
«Нашы рэктары пачынаюць разбойнічаць: яны могуць унесці дадатковую аплату ў канцы семестру невядома за што. Нават у канцы семестру, калі ён аплачаны, увесьці нейкую даплату».
За апошні год кошты на беларускую адукацыю падвысіліся на 35%. Гэта рэкордная лічба для ўсёй Еўропы, улічваючы, што ў многіх краінах у час крызысу адукацыйныя кошты не толькі не павялічыліся, а наадварот, упалі. Улады патлумачылі гэта павелічэньнем зарплаты выкладчыкаў.
Рашэнне аб падвышэнні аплаты было прынятае яшчэ да Новага году, але даведаліся аб ім студэнты толькі ў разгар зiмовай сесii. Прычым ва ўсіх унівэрсытэтах аплату паднялі не з наступнага сэмэстру, а з бягучага. У некаторых выпадках студэнтам прыйшлося даплочваць нават за два папярэднія месяцы, якія яны, ні аб чым не здагадваючыся, адвучыліся ў ВНУ.
Паводле generation.by
sleep-sleep-sleep
