6 чэрвеня ў 12.00 у клубе «Мулен Руж» (вул. Кальварыйская, 1) адбудзецца кастынг расійскага праекта «Вялікая розніца”.
Прадзюсер і стваральнік праекта Руслан Сарокін будзе асабіста адбіраць таленты ў жанры пародыі для II Міжнароднага фестывалю «Вялікая розніца» ў Адэсе.
– Мы шукаем тых, хто даўным-даўно “хворы” жанрам пародыі, умее імітаваць разнастайныя гукі прыроды, галасы вядомых людзей і проста валодае добрым пачуццём гумару. Так! І тых, хто марыць трапіць у самы папулярны праект Першага канала – удакладняе свой «пошукавы запыт» Руслан.
– У мінулым годзе ў адной з катэгорый перамог мінчанін Артур Фёдаравіч з пародыяй на Уладзіміра Высоцкага. Мы верым, што ў Беларусі ёсць яшчэ вялікая колькасць таленавітых людзей, якія хочуць заявіць пра сябе. Усіх будзем рады бачыць 6 чэрвеня на кастынгу!
Крыніца: Салідарнасць
вялікая розніца
